lil'Kim apania kurekodi na sir juma nature

Lil Kim akijiachia vilivyo jukwaani, kwa raha zake isiyo na kifani na nguli wa muziki wa Bongofleva,Sir Juma Nature Jumamosi usiku kwenye tamasha la Fiesta Jipanguse 2010,viwanja vya Leaders Club jijini Dar

Mwanamuziki wa Kimataifa kutoka nchini Marekani,Lil'Kim ambaye alitua hapa bongo kwa onesho lake moja ndani ya tamasha la Fiesta Jipanguse lililofanyika Jumamosi usiku katika viwanja vya Leaders Club, Kinondoni, jijini Dar, na kuhudhuriwa na umati mkubwa wa watu kutoka sehemu mbalimbali, ameahidi kuwa atarekodi baadhi ya nyimbo na msanii nguli wa Bongofleva Sir Juma Nature.

Lil'Kim akiweka bayana hilo jambo alipokuwa akiagana na Mkurugenzi Mtendaji wa Clouds Media Group, Bw. Joseph Kusaga, amesema amefurahishwa sana na ushirikiano mkubwa alioupata kutoka kwa Juma Nature na Watanzania kwa ujumla, hivyo ameahidi kurekodi baadhi ya nyimbo na Juma Nature zikiwemo remix za Mwanadada huyo mwenye manjonjo kibao awapo jukwaani.

Tayari Lil'Kim amechukua nyimbo kadhaa za Juma Nature na kuondoka nazo kwa ajili ya kuzifanyia kazi. Aidha Lil'Kim pia ameukubali sana muziki wa Kitanzania na namna Watanzania wanavyowakubali wasanii wao tofauti na sehemu nyingine.