Profesa Mwandosya ziarani DRC

Rais wa Jamhuri ya Kidemokrasia ya Kongo Mh. Joseph Kabila Kabange akiwa na ujumbe kutoka Tanzania baada ya Prof.Mark Mwandosya , Waziri wa Maji na Umwagiliaji wa Tanzania, kuwasilisha kwake ujumbe rasmi kutoka kwa Mhe. Jakaya Mrisho Kikwete shambani kwa Mhe Rais Kabila, Mekao km 150 kutoka mjini Kinshasa wikiendi ilopita. Kutoka kushoto ni Nd. Washington Mutayoba, Mkurugenzi wa Maji na Umwagiliaji, Prof. Mark Mwandosya, Waziri wa Maji na Umwagiliaji, Mhe. Joseph Kabila Kabange, Rais wa Jamhuri ya watu wa Congo(DRC), Mama Lucy mwandosya na Mhe. Gordon Ngilangwa, Balozi wa Tanzania DRC.

Alipokuwa Kinshasa Prof. Mark Mwandosya pia alimtembelea Mama Pauline Lumumba, mjane wa Waziri Mkuu wa kwanza wa Congo, Marehemu Patrice Emery Lumumba,nyumbani kwake Gombe. Katika picha, waliokaa ni Mama Pauline Lumumba na Prof. Mark Mwandosya. Waliosimama kushoto ni Mama Lucy Mwandosya na kulia ni Juliana Lumumba, binti wa marehemu Patrice Lumumba, aliyekuwa waziri wa Habari na Utamaduni katika serikali ya Marehemu Laurent Kabila.
Waziri wa Maji na Umwagiliaji Prof Mark Mwandosya ( watatu kushoto) akipata maelezo kuhusu kituo kikubwa cha umeme kwenye Bwawa la Inga, mto Congo. Watano kushoto ni Mhe. Jose Endundo Bonange, Waziri wa Mazingira na Maliasili. Katika maporomoko ya Inga, yakiendelezwa, DRC ina uwezo wa kuzalisha MW 100,000 za umeme.