wichita waibenjua houston bao 4-1

Kikosi cha Wichita
Kikosi cha Houston

Houston wakifurahia bao la kufutia machozi

Ni wakati wa mapumziko ambapo mshambuliaji hatari wa Wichita Iddi Ligongo (kati) na wenzie wakionekana kutafakari namna ya kupata ushindi

Timu ya Watanzania wanaoishi Wichita, Kansas, imetoa kipigo kikali kwa timu ya Watanzania wanaoishi Houston, Texas, kwa jumla ya magoli 4-1, katika mchezo uliochezwa Wichita, Kansas Jumamosi ya 7/8/2010.

Kwa ufundi mkubwa timu ya Houston ilitawala kipindi chote cha kwanza cha mchezo huo, na kufanikiwa kujipatia goli la kwanza na la kuongoza katika dk ya 32 ya mchezo, mfungaji akiwa mshambuliaji wake hatari Peter Bategeki, goli hilo lililodumu kwa kipindi chote cha kwanza.

Wakati wa mapumziko, timu ya Wichita ilionesha kuchanganyikiwa na hali ya mchezo na kulazimika kufanya mabadiliko, ambapo yalibadilisha hali ya mchezo na kuifanya timu ya Houston kuanza kuonekana mdebwedo.

Mwiba kwa timu ya Houston alikuwa ni mshambuliaji hatari Idd Ligongo, ambaye alikuwa akiwasumbua walinzi wa Houston na kuwafanya washike kiuno kila mara, hali inayoashiria walikuwa hoi.

Katika dk ya 60 Idd Ligongo aliifungia timu yake ya Wichita goli la kusawazisha, dk 68 mshambuliaji huyo akafunga tena goli la pili. Dk ya 75 Musa Mbongo aliipatia timu ya Wichita goli la tatu baada ya kuitumia pasi safi toka kwa Idd, huku mshambuliaji Denis Mbelwa Rweikiza akiimaliza shughuli kwa kuandika goli la nne katika dk ya 82.
Kwa habari na picha zaidi tembelea

www.tunyfish.com

ama

www.tawichita.net.