kocha wa timu ya taifa ya riadha alalamikia muda walionao kwa kujiandaa na mashindano

Kocha mkuu wa timu ya taifa ya Riadha, Endro Boro (pili kulia) akiwapa maelekezo wachezaji wake wakati wakifanya mazoezi ya kujiandaa kwenda nchini India katika mashindano ya kimataifa yanayotarajiwa kuanza kutimua vumbi October 3


Na Woinde Shizza,Arusha

Kocha mkuu wa Tanzania wa timu ya riadha ,Endro Boro amelalamikia uchache wa siku za mazoezi kwa timu ya taifa ambayo anaiandaa kwenda kwenye mashindano nchi india .

Akizungumza na Ripota wa Globu ya Jamii ndani ya kiwanja cha Sheikh Amri Abeid kocha huyo amesema kuwa anasikitishwa sana na uchache wa siku ambazo amepangiwa kuiandaa timu hiyo ambayo inatarajiwa kuondoka mjini hapa Septembar 24 kwenda jijini Dar es salaam kwa ajili ya safari yao ya kwenda nchini India.

Alisema kuwa amepewa wiki tatu tu kuiandaa timu hiyo ambayo inaenda kuiwakilisha nchi katika mashindano ya kimataifa ya riadha ambapo ni siku chache sana walizonazo kulingana na wachezaji wenyewe wanavyofanya mazoezi.

"Unajua kuna mazoezi mengi sana vijana hawa walitakiwa wafanye kama kufanya mazoezi ya mikuki, kufanya mazoezi ya misuli,kwenda gym na hata kukimbia na kutengeneza spidi sasa mpaka sasa wamefanya moja la kukimbi kimbia na bado hawajawa kama nilivyotaka yaani nasikitika sana "alisema Boro

Alisema kuwa anaimani kabisa kama wangekuwa wamepata muda mrefu basi wangeweza kufanya vizuri zaidi na kufanya mazoezi yao vyema kwani wachezaji wake ni wazuri .

Alisema kuwa timu yake inajumla ya wachezaji tisa ambao wametoka katika mikoa mbalimbali ya Tanzania ikiwemo manyara ,Kilimanjaro,Dodoma,Singida pamoja na mkoa wa Arusha.

Kwa upande wa Rais wa Chama cha riadha Tanzania, France John alisema kuwa vijana hawa wamejiandaa vizuri licha ya kuwa kocha wao ameulalamikia muda wa mazoezi.

"Vijana wamejianda vyema sababu kabla ya kocha huyu anaewafundisha wa taifa kuanza kuwafundishi wachezaji hawa walikuwa wameshaanza kufanya mazoezi katika vilabu vyao hivyo nasema wako vyema kabisa kama ni mapungufu ni madogo tu nanathani katika siku hizi watakuwa wamerekebika na watafanya vyema"alisema john

Alibainisha kuwa mashindano ambayo timu hii inaenda kushishiriki ni magumu sana kwani wamekutana na watu mbalimbali na wengi ila wamejiaanda vya kutosha.

Aliishukuru serekali kwa kuisaidia mchezo huu haswa katika safari hii kwani imeigaramikia wachezaji mambo mengi ikiwemo usafiri na hata malazi .

Alibainisha kuwa mashindano haya yanatarajiwa kuanza kutimua vimbi October 3 mwaka huu.