USHAURI KWA JAMAA WA AIRCO - Mwanza Airport

Naomba kwa mara nyingine kutoa malalamiko yangu jinsi jamii yetu inavyolipa umuhimu mdogo suala la kutoa huduma kwa watu wenye ulemavu.
Kwa muda mrefu nimekuwa nikisafiri kupitia uwanja wa ndege wa Mwanza ambapo kuna kampuni ya kutoa huduma inayoitwa AIRCO.

Kwa kuwa kwangu kutembea ni tatizo kila ninapo
check-in nimekuwa nikitoa taarifa kuwa nahitaji wheel chair.

Cha kushangaza ni kwamba mara zote (namaanisha zaidi ya mara kumi mfululizo) hawa mabwana wamekuwa hawazingatii ombi langu.

Kinachotokea ni kwamba wakati wa watu ku board in wao huwaruhusu watu waende kwenye ndege mpaka hapo wanaponiona ndipo wanakurupuka
kutafuta wheel chair.

Ninavyofahamu mimi taratibu za uasafiri wa anga duniani kote zinatambua mahitaji ya watu maalumu kama mimi na kwa kawaida watu wenye
matatizo hupewa kipaumbele cha kuingia kwenye ndege kabla ya wengine tofauti na inavyotokea hapo Mwanza.

Naviomba vyombo vinavyohusika kuwatupia macho hawa jamaa wa AIRCO maana hawatekelezi wajibu wao ipasavyo.

Mdau Mkereketwa