makosa katika upigaji kura tusker project fame

Ankal naomba nafasi kutoa mchango katika blog ya jamii ambao naamini utawasaidia washiriki wetu wa tusker project fame kwani ni watu wengi wataliona hili kosa endapo litawekwa kwenye hii blog ya jamii.

Watanzania tunalaumiwa kwa kutopenda kutoa support katika mambo ya maendeleo ya Watanzania wenzetu lakini mara nyingine tunapata maelekezo yasiyo sahihi au watu hawahamasishwi vya kutosha.

Katika suala la Tusker project Fame nafikiri Leah ametoka si kwa sababu watu hawakutaka kumpigia kura ila kwa sababu watu wengi walishindwa kupiga kura kutokana na maelekezo yasiyo sahihi.

Kuna makosa yanayosababishwa na Watangazaji wa vyombo vyetu vya habari katika kuelezea jinsi ya kuwapigia kura hasa jinsi ya kuandika ule ujumbe mfupi wa maneno.

Mtu hatakiwi kuacha nafasi baada ya kuandika neno “tusker”(mfano “tusker 3” kwa Leah) bali ile tusker inaunganishwa moja kwa moja na namba ya mshiriki bila kuacha nafasi(yaani “tusker3). Vyombo vyetu vya habari vinatangaza kwamba “andika neon tusker, uache nafasi halafu uandike namba ya mshiriki utume 15522”.

HII SIYO SAHIHI! USIACHE NAFASI BAADA YA KUANDIKA NENO TUSKER. Naamini watu walishindwa kumsaidia dada yetu ambaye tunaamini kwamba angeenda mbali sana kwenye shindano hili kwani ana kipaji cha hali ya juu ukilinganisha na hausimeti wake waliobaki.

Baada ya kufuata maelekezo haya nilishindwakumpigia kura lakini nilipotuma bila kuacha nafasi nilifanikiwa kumpigia kura 4 ambazo naamini kama 10% ya Watanzania wangepiga tungemvusha.

Tuwape support vijana wenzetu kwani kwa namna nyingine wanaleta manufaa si kwa familia zao tu bali kwa Watanzania wote kama Taifa. Bila kusahau kwamba watoto wetu wanajifunza kutoka kwao jinsi ya kuzingatia malengo yao kama ambavyo hawa vijana wanafanya.

Hivyo kama mmoja wao akishinda basi inakuwa kuwapa changamoto watoto wetu na hata sisi wenyewe katika kushindana kimataifa hata katika kazi, uongozi na biashara.

Ni hayo tu Ankal ila jina langu kapuni plz.