BREKING NYUZZZZZ : wafanyakazi wa UDOM wagoma leo kushinikisha malipo yao

Habari iliyoifikia Globu ya Jamii hivi punde toka mkoani Dodoma,ilaripoti kwamba,waadhili na wafanyakazi wa chuo kikuu cha UDOM,wamegoma kuingia kazini leo na kuushinikiza uongozi wa chuo hicho chini ya Prof. Mlacha na Prof. Kihula,ili wapatiwe ufafanuzi juu ya mambo yafuatayo:-

1. kwa nini mishahara yao inayotoka wizarani haiwafikii kama wizara ilivyopanga??
2. je asilimia hiyo iliyokuwa ikipotea ilikuwa inaenda wapi na kwanini??
3. kwa nini mpaka sasa hawajalipwa malimbikizo yao ya pesa walizosimamia field??
   

Pia Wanafunzi wa kitivo cha elimu cha Ng'ong'ona nao asubuhi ya leo waliandamana wakitaka kurudishiwa pesa zao za malazi baada ya chuo kufupisha muda wa kuishi chuoni hapo kwa semista hii ya kwanza.

Wanafuunzi hao walitawanyishwa kwa mabomu ya machozi,mijeredi na maji a kuwasha kutoka kwa Jeshi la Polisi kupitia kikosi chake cha kutuliza ghasia,mpaka sasa wapo mbioni wakihofia usalama wao

hali ya mazingira kwa upande wa ualimu sio shwari sana sababu polisi bado wametanda,kila kona ya mlima wa kitivo cha elimu.

Ripota wa Globu ya Jamii yupo katika eneo hilo la tukio na sasa anatutaarifu kwamba wakuu wote wa chuo wameingia katika mkutano wa dharula na atatufahamisha zaidi yale yoote yaliyojiri katika kikao hicho hapo baadae kitakapomalizika kikao hicho,hivyo tuvute subira kidogo.