SALAMU ZA RAMBIRAMBI TOKA ALBERTA, CANADA

KWA NIABA YA WATANZANIA WOTE, WANACHAMA WA CHADEMA TAWI LA RED DEER, ALBERTA - CANADA WANATOA SALAMU ZAO ZA RAMBIRAMBI NA POLE NYINGI KWA WATANZANIA WENZETU WALIOGUSWA NA TUKIO LA KULIPUKA KWA MABOMU HUKO GONGO LA MBOTO MJINI DAR ES SALAAM. HABARI HIZI ZIMEPOKELEWA KWA MASIKITIKO MAKUBWA NA ZIMEMGUSA KILA MMOJA WETU KWA NJIA MOJA AU NYINGINE. TUNAWAOMBEA WOTE WALIOPOTEZA MAISHA, NA PIA KUWAPA POLE NA KUWATAKIA KUPONA HARAKA WALE WOTE WALIO JERUHIWA NA MLIPUKO HUO. HALI KADHALKA, TUNAWAPA POLE PIA WALE WOTE WALIOPOTEZA MALI ZAO NYINGI NA ZA THAMANI.

NI MATARAJIO YETU KUWA SERIKALI ITAWAANGALIA KWA KARIBU WALE WOTE WALIOGUSWA NA JANGA HILI. HATA HIVYO, WANACHADEMA WA RED DEER WANASHAURI KUUNDWE MFUKO MAALUMU AMBAO UTAWEZESHA WATANZANIA NA MARAFIKI ZETU KUUCHANGIA ILI KUWEZA KUWASAIDIA NDUGU ZETU WALIOATHIRIKA VIBAYA NA JANGA HILI.

NI USHAURI WETU PIA KWA JESHI LETU KUANGALIA UPYA JINSI YA UHIFADHI WA SILAHA KALI ZA KIVITA NA KWAMBA ZITAHAMISHWA KUTOKA MAENEO YA KIRAIA ILI KUWEZA KUZUIA JANGA KAMA HILI LISIJIRUDIE TENA, KWA MARA YA TATU. TUNATEGEMEA PIA SERIKALI ITAWACHUKULIA HATUA KALI NA KUWAWAJIBISHA WALE WOTE WALIOZEMBEA NA KUSABABISHA KUTOKEA KWA MAAFA HAYA.

MUNGU AZILAZE PEMA PEPONI ROHO ZA WALE WOTE WALIOTWALIWA KWA MAAFA HAYA, AMEN.

CHADEMA - RED DEER - ALBERTA, CANADA.