BREKING NYUUUUZZZZZ: Kundi la taarabu la Five Stars wana 'Mchumu Mchumu...' limepata ajali maeneo ya Mikumi usiku huu, zaidi ya watu 5 wahofiwa kufa

Juu na chini ni baadhi ya wanamuziki
wa Five Stars Modern Taarab

Habari zimeingia sasa hivi kutoka mkoani Morogoro kuwa basi la abiria aina ya Coaster likiwa na wanamuziki wa taarabu wa kundi la Five Stars limepata ajali na watu zaidi ya watano wamefariki dunia papo hapo. Majina ya waliopoteza maisha na walionusurika bado kupatikana.

Habari zinasema kundi hilo lilikuwa likitokea Songea mkoani Ruvuma kwa shughuli ya muziki na kuwa baada ya kufika Mikumi takriban saa moja iliyopita basi lao hili liligonga lori bovu lililokuwa limeegeshwa barabarani.

Inasemekana kuwa watu zaidi ya 10 walipoteza maisha yao hapo hapo katika basi hilo linalosemekana lililkuwa na abiria 30 na watano wamekimbizwa katika hospital ya mkoa wa Morogoro, kwa mujibu wa kikosi cha usalama barabarani mkoani humo ambacho kimethibitisha kutokea kwa ajali hiyo.

Globu ya Jamii inatoa pole kwa Five Stars waliojipatia umaarufu mkubwa kwa wimbo wao wa "Mchumu mchumu.... mmwwaaaaaaaaaaaahhh..." na inaendelea kufuatilia habari hizi za kusikitisha.