simba yaikosaksoa TP Mazembe, yafungwa 3-2 nyumbani

Nahodha wa Simba Mussa Hassan Mgosi (shoto) akisalimiana na kubadilishana bendera na nahodha wa TP Mazembe kabla ya gemu huku waamuzi toka Sychelles wakiangalia

Simba na TP Mazembe kabla ya gemu

Simba SC leo imefunwga bao 3-2 na Tout Puissant Mazembe (zamani TP Englebert) katika mchezo wa mzunguko wa pili wa michuano hiyo Klabu Bingwa Afrika uwanja wa Taifa jijini Dar.

Katika mchezo uliopigwa wiki mbili zilizopita mjini Lubumbashi Jamhuri ya Kidemokrasia ya Kongo (DRC), katika Uwanja wa Kenya, Simba ililala kwa bao 3-1, hivyo ndio kusema imefungwa jumla ya mabao 6-3.

Simba leo imejitahidi katika kukipiga na TP Mazembe ambapo mabingwa hao wa Afrika wana historia kwa kuwa timu ya kwanza kufika hatua ya fainali Klabu Bingwa ya Dunia, baada ya kuitoa Elan De Mitsoudje ya Comoro kwa mabao 4-2.

Simba ambayo ndio mabingwa watetezi wa Ligi Kuu Bara, huku wakiongoza ligi hiyo kwa pointi 44 sasa, walichesza kufa na kupona lakini vibopa hao wa Lubumbashi waliwazidi kete katika kila idara.