waganga wa kienyeji iringa wamfagilia babu wa loliondo

Mwenyekiti wa Chawatiata mkoa wa

Iringa Bi, Christina Mgongolwa

Wakati idadi ya vikombe vya tiba kwa watu wenye magonjwa sugu zikizidi kuongezaka siku baada ya siku,chama cha waganga wa tiba asilia Tanzania (CHAWATIATA) mkoa wa Iringa kimempongeza babu wa Loliondo mchungaji mstaafu wa Kanisa la kiinjili la Kilutheri Tanzania (KKKT) Ambilikile Mwasapila na wengine wanaojitokeza kuwa wameseidia kuifumbua macho serikali kuamini kazi ya tiba asilia.

Wakati mshauri mkuu wa waganga wa tiba asilia Tanzania Anton Mwandulami akiitaka serikali kupiga marufuku watoaji wa vikombe kuendelea kujitangaza huku akidai kuwa mti huo wa babu wa Loliondo si mgeni kwake na yeye alikuwa akitumia mti huo kwa kuchanganya na dawa nyingine kutibu wagonjwa sugu ila zaidi ilikuwa ni wale wenye matatizo ya miguu na kuwa dawa hiyo alikuwa akitoa dozi ya vikombe vitatu kwa zaidi ya miaka 18 sasa baada ya kuoteshwa na baba yake mzazi.

Akizungumza na blogu dada ya www.francisgodwin.blogspot.com mwenyekiti wa Chawatiata mkoa wa Iringa Christina Mgongolwa ,alisema kuwa watu wote walioibuka kutoa vikombe wanatumia miti shamba kama wanavyofanya waganga wa kienyeji na kuwa ni vema serikali sasa kutoendelea kuwapuuza waganga wa kienyeji katika kutoa tiba kwa jamii na kuwa kinachojitokeza sasa na nguvu ya Mungu katika kuliaminisha Taifa kuwa tiba hizo ni za kweli.

Hivyo alisema kuwa wao kama waganga wa kienyeji wanaungana na wenzao wote waliojitokeza na kutoa vikombe na serikali kuwaamini katika huduma hiyo na hivyo kuikumbusha serikali kuharakisha zoezi la utoaji wa leseni kwa waganga wote nchini akiwemo babu wa Loliondo ili kuifanya huduma hiyo kupanuka zaidi.

"Mungu ana makusudi yake kweli huyu babu wa Loliondo ametusaidia waganga sasa kutambuliwa na kuheshimiwa rasmi kwa kikombe hicho ambacho kinatumia dawa kama za kweli za miti shamba ...hivyo sasa ni vizuri serikali kubaliki wote kujitangaza kwani wapo wengine wanauwezo wa kutibu kwa nusu kiombe kutokana na tatizo la mgonjwa, alisema Mama Mgongolwa"