BREKING NYUZZZZZ : KAMPUNI YA KIMAREKANI YA SYMBION POWER YANUNUA MITAMBO YA DOWANS

Ankal akiwa na Deo Balile, Mhariri Mtendaji wawa Mtanzania wakiomba ufafanuzi kuhusu bei waliyonunulia, lini wataiwasha na je bei ya umeme watayowauzia TANESKO itakuwa sawa na ya Dowans wenyewe? Akaambiwa kwamba mkataba wao Symbion ni siri na muuzaji hivyo bei waliyonunulia hawawezi kuitaja. Kuhusu bei ya umeme itayouziwa TANESKO wamesema itakuwa poa na kwamba wataitangaza Jumatatu wanapotarajiwa kuwa na mkutano wa pamoja na kampuni hiyo. Kwa sasa wamesema wako tayari kuwasha umeme ila wanangoja treni la gesi la Songosongo lililoharibika lianze kazi na wao hawana noma wala nini na mambo ya siasa kwao hayana nafasi bali ni kazi tu na blah blah pembeni.  

Baada ya taarifa kwenye vyombo vya habari kuhusu ununuzi wa mitambo ya Dowans. Kampuni ya kimarekani ya Symbion Power yenye makao yake makuu Washington DC, leo imethibitisha kwamba imekwisha weka sahihi mkataba wa ununuzi wa mitambo hiyo iliyopo Ubungo Dar es Salaam.

Paul Hinks, Meneja Mtendaji wa Symbion amewaambia wanahabari sasa hivi katika hoteli ya Kilimanjaro Kempinski kuwa, “mazungumzo na Dowans yalikuwa ni magumu hasa ukizingatia historia ya mradi wenyewe. Kwa hiyo ilibidi kufanya uchunguzi wa kina kujiridhisha na kila kipengele cha makubaliano na pia ubora wa mitambo na tumejiridhisha kuwa mitambo hii iko katika hali nzuri ya matunzo”.

Hinks aliendelea kusema “nafarijika kusema kwamba sasa tumemaliza na kukamilisha mkataba wetu na Dowans na tupo tayari kuzalisha umeme hapa nchini. 120MW inaweza kusaidia kupunguza matatizo ya umeme hasa ukizingatia kuwa nchi inakabiliwa na tatizo kubwa la mgao wa umeme. Lakini, laiti kama TANESCO haitaafiki, tuna miradi mingi duniani ambayo inahitaji mitambo hii.

Mwasisi na Afisa Mtendaji Mkuu wa Symbion Power LLC, Paul Hinks, akiongea na wanahabari sasa hivi hoteli ya Kilimanjaro Kempinski jijini Dar leo. Kulia ni Mwenyekiti wa Symbion Power Africa, Balozi mstaafu Joseph Wilson

"Pamoja na ukweli kwamba tunauwezo wa kuitumia mitambo hii pengine duniani, Symbion inakusudia kupendekeza kwa TANESCO waridhie mitambo hii itumike hapa nchini. Mitambo hii imefanyiwa majaribio hivi karibuni na wataalamu wa kimataifa na imedhibitika kuwa iko katika hali nzuri sana na inaweza kuanza kutumika ndani ya muda mfupi sana kwa mategemeo ya kiwango cha hali ya juu", alisema.

Hinks pia kafafanua kwamba Symbion itashirikiana na kampuni ya Kimataifa ya kimarekani ya ProEnergy Services (PES) ambayo inauwezo na uzoefu mkubwa katika sekta ya umeme yenye makao yake makuu Missouri, Marekani. PES ambayo inajishughulisha na uzalishaji wa umeme sehemu mbalimbali duniani itakuwa ni mbia wa kutoa huduma ya uhandisi na uendeshaji wa mitambo.

Amesema Symbion Power tayari inauzoefu mkubwa katika miradi ya umeme ambayo inafadhiliwa na Serekali ya Marekani kama vile yale yaliyo chini ya Millenium Challenge Corporation. Symbion pia inashughulika na usambazaji wa umeme vijijini Tanzania inayojumuisha takriban kilometa 3,000 ya miundombinu ya kusambaza umeme.

Wakati huo huo, mwenyekiti wa Symbion Africa, Balozi mstaafu wa marekani katika nchi mbalimbali, Joe Wilson, alisema mitambo tuliyoinunua iliyoko Ubungo, imekaa bila kutumika takriban miaka mitatu sasa, wakati nchi imekuwa ikipata matatizo makubwa ya mgao wa umeme inayoleta changamoto katika uchumi wa nchi. Kwa niaba ya bodi ya wakurugenzi  ya Symbion, nasema tutafarijika ikiwa TANESCO itahitaji huduma kutoka kwetu”.

Symbion ni kampuni ya Kimarekani yenye makao yake makuu Washinton DC Marekani. - www.symbion-power.com

Ambassador Alfonso E. Lenhardt's Statement on Symbion Power Acquisition of the Power Plant in Ubungo

"We are pleased with the announcement that Symbion Power has decided to invest in Tanzania by acquiring a 112-megawatt power plant.  Energy is essential to support industry, agriculture, the education and health sectors, social services, and reliable water supply. The private sector will have an important role to play in providing long-term energy solutions in Tanzania.  We support the Ministry of Energy’s effort to attract investors and facilitate public-private partnerships. We encourage Tanzania to continue improving conditions for investment.  The United States actively promotes investment by American companies in Tanzania."

Ambassador Alfonso E. Lenhardt