haja ya hoja

TAHADHARI KWA JAMII NA GIZA

 

Ankal pole na majukumu.

Leo naomba tukumbushane madhara yanayozidi kutukabili kipindi hiki cha GIZA KALI.

Katika kipindi hiki cha mgao mkali wa umeme kuna wachahe waliokumbwa na madhara makubwa pale umeme unapokatika au umeme unaporudi.

Wazazi,walezi jamii tumekuwa busy sana katika kutafuta kutokana na ugumu wa haya maisha ya sasa, huku tukihangaika tunakutana na tatizo la GIZA.

Wengi wetu tunarudi nyumbani usiku sana na kukuta hakuna umeme na watoto wetu wametumia mishumaa kwa shughuli zote hata kufanya homeworks zao.

Sio wote wanaoweza kuwa na generators, baadhi wanatumia waliobakia wanatumia taa za kuchaji, taa kuweka batteries ambazo kwa sasa zipo kwa wingi sana kila mahali.

Ninachotaka tukumbushane leo kwanza ni kuwa makini sana nan kuwakumbusha mara kwa mara wanaobaki majumbani kuzima vifaa vyetu ambavyo vinatumia umeme mara unapokatika ili unaporudi visipate madhara na hata kupelekea kuteketea kwa nyumba zetu.

Pili wazazi walezi na jamii kwa ujumla tuwe makini sana na matumizi ya mishumaa na ikibidi tununue zaidi tochi za kuweka batteries ikipatikana hela unaongeza taa za kuchaji ikizidi hela weka generator na ikizidi zaidi basi tuweke umeme wa solar kila kitu kina madhara lakini umakini pia uwepo likitoke la kutokea basi mungu atasaidia.

Tatu Jamii, dawa ya mbu (mfano doom, rungu hit, x-pel nk)  na moto ( moto wa mshumaa au moto wa kuwasha nje majalalani au hata mkaa) wanaobaki majumbani ni wajibu wetu walezi kuwapa mafundisho ya vitu hivi hatari sana. Usiingie chumba chenye mshumaa na kuanza kupiga dawa ya mbu ovyo, dawa ya mbu ikikutana na huo moto wa mshumaa matokea yake ni kuungua vibaya sana EPUKA. 

Pia tuwe makini sana na makopo ya dawa ya mbu yaliyokwishakutumika yanapotupwa majalalani yakishika moto yanalipuka vibaya na atakayekuwa karibu ataungua vibaya.

Jamii kwa haya machache tukiyazingatia na kuwapa darasa wanaobaki majumbani basi huenda kipindi hiki cha GIZA KALI madhara ya mishumaa kuunguza nyumba zetu au umeme kurudi mwingi na baadhi ya vifaa vya umeme kuharibika yatapungua sana.

 

Kila lakheri

Mdau Emmy/Liloemis Pub