WAZO LA KUBORESHA JINA LA BLOG YETU YA JAMII

Kaka Issa,

awali ya yote naomba upokee heshima yako,na wewe unipe heshima yangu.

Itifaki imezingatiwa!

Pili naomba nichukue muda huu kukupongeza wewe binafsi na wadau wa dawati la blogi yetu ya jamii hapo ofsini kwako,ninasema hongereni kwa kazi zenu nzuri tunazoziona.

Tatu naomba uendelee kunipa ruhusa niwapongeze wadau wa blogi yetu ya jamii popote pale walipo kwenye hii sayari ya dunia na mimi nikiwemo.Wadau hongereni sana kwa michango yenu katika tasia hii ya habari kupitia vyombo mbalimbali vya habari ndani na nje ya nchi yetu,mathalani blogi yetu hii ya jamii.

Kaka Issa wakati ninadodosa blogi yetu hii,nilikutana na habari iliyokuwa inatujuza wadau kuhusu blogi yetu kutimiza miaka sita toka kuhasisiwa kwake kule nchini Finland jijini Helsinki Septemba 8,2005.Mliokuwepo katika uhasisi huo hongereni sana kwani umhimu wenu haukuwa siku hiyo pekee,hadi leo unaonekana.

Kaka Issa,baada ya utangulizi huo wa dhati ya kweli naomba nijirejeshe kwenye hoja yangu kuntu iliyonipa moyo wa kukuandikia huu ujumbe na wadau kwa ujumla.

Binafsi nimekuwa na pendekezo la kuboresha jina la blogi yetu ya jamii kama ifuatavyo kaka Issa.

Badala ya kuiita blogi yetu ya jamii MICHUZI BLOG,nilikuwa napendekeza tuiite GLOBAL BLOG [GB '11] kufuatana na miaka itakavyokuwa ikiendelea.Kwa hali hiyo mwaka 2012,tutakuwa tukiiita GLOBAL BLOG[GB'12]......toka siku itakapo timiza miaka 6 ya kuhasisiwa mwezi huu.

Kaka Issa,na wadau kwa ujumla mtaniuliza,dhana ya kubadilisha jina imeanzia wapi na imekujaje hapa?na dhima yake hasa ni nini?

         Mantiki ya kuiita Global Blog [GB'11],inashabihiiana na mawazo yafuatayo;

1.Kuifanya blogi hii iwe na mtizamo wa kisasa kwa watumiaji mbalimbali ulimwenguni kote-kwani ipo uwanda wa kimataifa kwa sasa.

2.Kuwahamasisha watumiaji kutoka pande zote za dunia kupata na kutoa taarifa za kitaifa na kimataifa kwa usahihi na kwa muda muafaka bila kujali mtumiaji ni wa asili gani kupitia blogi yetu hii.

3.Kukubaliana na mabadiliko yanayoendelea kujitokeza katika tasia ya habari kupitia blogi hususani linapokuja suala la ubunifu.

4.Kuwahamasisha wadau mbalimbali hususani wasio jua lugha ya Kiswahili kushiriki katika kutoa michango yao ya hali na mali ndani ya nchi yetu kupitia habari juu ya blogi yetu hii.Kuna wadau wa nchi za Mashariki ya Kati,wanahitaji kutujuza ya huko kwao kupitia blogi yetu hii.

5.Kukupa nafasi wewe binafsi na sisi wazawa wote na Taifa letu kwa ujumla hali ya kuthaminiwa na kuheshimiwa kwa watumiaji wasio wazawa popote hapa duniani.

Kaka Issa,sambamba na mawazo haya,ninadhani ni muda muafaka sasa habari kupitia blogi yetu hii,ziendane na ushindani wa taarifa mhimu na bora katika karne hii ya utandawazi na uhuru wa vyombo vya habari na wanahabari wenyewe.

Kimsingi kaka Issa na wadau wote,nisingependa kuwachosha kwenye suala la uhalisia kama hili.Ni imani yangu kuwa binafsi kama mdau wa Blogi ya jamii,nafasi yangu hii nimeitumia kama inavyotakiwa katika eneo lolote lenye tija kwa maendeleo ya watu.

Baada ya kuwashirikisha hayo wadau,naomba ruhusa yenu sasa nilejee kwenye majukumu mengine ya ujenzi wa Dunia.

Mwisho nawatakia wadau wote kila la kheli tunapokuwa tukielekea kusheherekea siku ya kuhasisiwa Michuzi blogi hapo kesho kutwa.

Naomba kuwasilisha!!

    Mdau Mashariki ya mbali.

      J.K Junior!

-----------------------------------

Mdau JK Junior!

Awali ya yote timu nzima ya Globu ya Jamii inakupa shukrani nyingi mno kwa kuchukua wasaa na kutuletea wazo lako kama ilivyoanishwa hapo juu. Kwa kweli tumehemewa na tunalichukulia hilo wazo kwa uzito mkubwa stahili. Ila kama ujuavyo sisi ni watumishi wenu, neno lenu ni amri kwetu. Hivyo tunahisi itakuwa busara turuhusu wadau wachangie mawazo juu ya wazo lako hilo. Sisi hatubagui na wala hatuchagui, kwani atayetuzika hatumjui. Hivyo wadau popote mlipo, baada ya kusoma Wazo la mdau JK Junior, nini usemi wenu ama wazo lenu katika hili?

Libeneke Oye!

Michuzi