hoja ya haja

Mheshimiwa Michuzi, pole sana kwa machofu ya safari. Nilikuwa na ombi dogo unibandikie hili dukuduku langu. Majuzi Jumamosi nilikuwa nimepaki mbele ya jengo jipya la Golden Jubilee Towers mtaa wa Ohio ambalo kwa sasa ndio jengo refu kabisa nchini nikagundua kitu ambacho inawezekana si muhimu sana ila mimi kilinitia hofu kidogo. 

Lobby ya hili jengo ipo level moja na parking ya nje pamoja na barabara, na kutoka parking kwenda ndani ya jengo hakuna kizuizi chochote cha maana. Nakubali kama sisi ni kisiwa cha amani lakini je wale ndugu zetu wa nchi za magharibi waliozungushia concrete blocks kwenye majengo yao ni wajinga? 

Kuna balozi nyingine wameweka mpaka matuta kwenye barabara zinazopita mbele ya jengo ili kupunguza uwezekano wa mtu au kikundi chechote chenye nia mbaya ya kutumia gari kama silaha kufanya ugaidi. Binafsi roho yangu itatulia zaidi kama kutawekwa vizuizi  ya jengo na parking/ barabara maana dunia hii wehu wamezidi na ni vizuri tukajihadhari kuliko kusubiri madhara. 

Vizuizi hivi vinaweza vikawa kama sehemu ya mapambo na kupandwa maua au miche ya miti mbalimbali. Nakushukuru kwa kunipa nafasi na nakutakia heri katika ujenzi wa Taifa - Mdau Dar