kamati ya bunge yatembelea hospitali ya taifa ya muhimbili leo, pinda kukutana na madaktari kesho

 MKURUGENZI wa uuguzi na Huduma ya Wagonjwa katika Hospitali ya Taifa Muhimbili, Agness Mtawa (katikati), akiwaongoza wajumbe wa Kamati ya Bunge ya kufuatilia mgogoro wa madaktari wakiongozwa na Mwenyekiti

wao, Mh Margaret Sita (kushoto). Kulia ni Mbunge wa Nzega, Dk. Hamisi Kigwangwala na wa pili kulia ni Mbunge wa Kigamboni Dk. Faustine Ndungulile

MARGARET Sitta akimjulia hali Sada Imili, aliyelazwa Taasisi ya Mifupa Muhimbili (MOI), Dar es Salaam, leo. Baada ya hoja ya mgomo wa madaktari kuibuliwa mara sita bungeni, Naibu Spika Mh Job Ndugai ameamua kwamba swala hilo lijadiliwe na kutafutiwa ufunbuzi - baada ya kamati hii kuwasilisha ripoti yake.


HABARI ZILIZOTUFIKIA SASA HIVI ZINASEMA;

WAZIRI MKUU MIZENGO PINDA YUPO DAR ES SALAAM KUTOKA DODOMA KUSHUGHULIKIA MGOMO WA MADAKTARI AMBAO UMEKUWA UKIENDELEA KWA LENGO LA KUUPATIA UFUMBUZI.

LEO AMEKUTANA NA UONGOZI WA HOSPITALI YA TAIFA YA MUHIMBILI PAMOJA NA MADAKTARI BINGWA KUTOKA SEKTA YA UMMA NA BINAFSI NA WASTAAFU.

KESHO SAA 3 ASUBUHI ATAKUTANA NA MADAKTARI BINGWA, MADAKTARI WALIOSAJILIWA (REGISTRALS) NA MADAKTARI WALIOKO KWENYE MAFUNZO KWA VITENDO (INTERNS) NA BAADA YA HAPO SAA 4 ATAKUTANA NA WAFANYAKAZI WA HOSPITALI YA MUHIMBILI, MOI, OCEAN ROAD NA WAWAKILISHI KUTOKA HOSPITALI ZA MKOA WA DAR ES SALAAM, KWENYE UKUMBI WA CPL, MUHIMBILI.

MATARAJIO YA SERIKALI NI KWAMBA MAZUNGUMZO HAYO YATAWEZA KUMALIZA MGOGORO HUU NA MADAKTARI WOTE KUREJEA KAZINI NA HIVYO KUREJESHA HUDUMA ZA MATIBABU KATIKA HALI YA KAWAIDA KWA WANANCHI WA TANZANIA.

HIVYO SERIKALI INAWAOMBA WOTE WANAOHUSIKA WAFIKE KATIKA MIKUTANO HIYO BILA YA KUKOSA.

                                                    (IMETOLEWA NA OFISI YA WAZIRI MKUU)