Hilali za Zuhura na Mwezi kuonekana tarehe 24 na 25 Aprili

Mandhari ya kuvutia sana itaonekana leo na kesho katika anga ya magharibi saa moja jioni, baada ya machweo.  Tutaona hilali mbili – ile ya Mwezi, tuliozoea, pamoja na ile ya Zuhura ukiiangalia katika darubini.

Siku ya Jumanne tarehe 24 Aprili Mwezi hilali itaonekana kiasi cha nyuzi 30 juu ya upeo wa magharibi  chini ya sayari ya Zuhura inayon’gaa kama taa kali.  Tarehe 25, Jumatano Mwezi hiliali itaonekana juu ya sayari Zuhura.

Picha ya hali itakavyokuwa siku hizo mbili imetengenezwa kwa kutumia programu ya Stellarium abayo inapatikana bure katika mtandao.

Dr N T Jiwaji