UJUMBE KWA WABUNGE: BUNGE LA JAMHURI YA MUUNGANO WA TANZANIA NA WATANZANIA WOTE

Waheshimiwa Wabunge na Watanzania

Ni kwa unyenyekevu mkubwa na ninajiwakilisha mwenyewe kama mgombea kwa ajili ya uwakilishi wa bunge la Afrika Mashariki. Ni kwa ajili ya upendo kwa nchi yetu, nikaamua kuchukua hatua ya kutafuta huu uwakilishi muhimu. Hatarini tuliyonayo ndugu zangu watanzania ni masuala ambayo kwa sasa yanamadhara kwetu, itaathiri watoto wetu na watoto au wajukuu zetu kwa kiasi kikubwa siku za mbeleni. 

Hivyo Waheshimiwa wabunge la jamhuri ya Muungano wa Tanzania na watanzania, ni lazima kuwa makini katika itifaki hii ya uwakilishi. Miaka yangu katika fani ya elimu, utafiti, kushauri serikali, mashirika yasiyo ya kiserikali na sekta ya umma, umenitayarisha vya kutosha kuweza kuliwakilisha taifa letu katika bunge letu la Afrika Mashariki.

Tanzania ni moja ya mataifa tajiri duniani. Tuna hazina ambayo kamwe haiwezekani kupatikana mahali pengine popote duniani.  Tumebarikiwa na ardhi yenye hazina kubwa na watu wa kipekee. Tuna amani na utulivu japo matatizo madogo ya hapa na pale hayakosekani katika jamii hai, na juu ya yote, tunajivunia  fahari ya utamaduni wetu wa upendo. Leo hii watanzania wenzangu, hakuna Mtanzania ambaye anatambulika kutokana na itikadi yake ya kisiasa au udini wake. Hakuna mtanzania ambaye ukabila wake umeandikwa katika paji la uso wake. Tutambue kuwa hali hii ni tofauti kwa wenzetu, majirani zetu hawezi kuonana jicho kwa jicho, linapokuja maswala ya kikabila na udini. Sisi watanzania tumeshikamana  na tupo chini ya umoja wa kitaifa. Umoja wetu na uzalendo wetu unatokana na misingi iliyojengwa chini ya bendera yetu na lugha yetu tunayojivunia.

Ndugu zangu watanzania, muda umefika kutambua kwamba badala ya kuzungumza mafanikio yetu makubwa ya kibinafsi, familia tunazotoka, inatupasa kuzingatia na kutafakari zaidi utaifa na zaidi ni kwa jinsi gani tunaweza kueneza ushawishi wetu, uzalendo, umoja wetu na mbegu ya amani na utulivu kwa majirani zetu. Nikiwa kama mbunge muwakilishi, sitakubali kuwakilisha maslahi binafsi au yale ya kundi Fulani, bali nita nitapigania na kutetea maslahi ya Watanzania milioni 45. Nitapigania maslahi ya taifa langu

Nitasimama kulinda nchi yetu na rasilimali zake. Nitasimama kulinda utamaduni wetu, urithi, na mipaka yake na bendera yetu. Nitasimama kulinda maslahi ya wakulima wetu na wajasiriamali ambao wanakabiliwa na ushindani mkubwa kutoka kwa washindani wa nje ya mipaka  yetu. 

Nitasimama kupigana kwa ajili ya manufaa ya watu wetu

Katika Bunge la Afrika Mashariki, naenda kupigana kwa ajili ya maslahi ya wahitimu kutoka vyuo vyetu vikuu wasijione kama raia wa daraja la pili katika nchi yao wenyewe. Kama ilivyo katika nchi nyingine, lazima nikapiganie kipaumbele cha kuwapa nafasi ya kwanza vijana wetu nafasi ya kwanza katika soko la ajira na kuwawekea mazingira ya kuwafanya waweze kumudu changamoto za ushindani. Ni muda muhafaka kusema  INATOSHA . Ni lazima kutafuta ushirikiano mzuri zaidi katika ushirikiano wetu wa kikanda. Ninaenda kuwaelewesha wenzangu katika bunge la Afrika Mashariki "KWAMBA ARDHI YA TANZANIA" ni ya Watanzania.

Waheshimiwa wabunge na Watanzania kwa ujumla, naamini kuwa pamoja na kuwepo ushindani mkubwa ninaokabiliana nao, ndani yangu, kuna kiu ya kuipigania na kuiwakilisha vyema nchi yangu.  Ninawaahidi kuiparejeshea serikali na taifa letu heshima inayostahili. Ni lazima kuilinda hiba ya  hayati  Mwalimu Nyerere. Katika sehemu yake ya mapumziko ya milele inatakiwa ajisikie kuwa nchi aliyoiacha nyuma imekuwa nuru na dira kwa mataifa mengine kiuchumi, na pia kuwa nguzo ya amani kutokana na rasilimali watu na uongozi bora. Watanzania wenzangu, mimi nawekeza kwenu, kwa kuniwezesha kupata nafasi hii kwa sababu naenda kupambana kwa ajili ya utukufu na maslahi ya Tanzania; na kuipa nchi yetu sifa iliyokuwa nayo siku zote kama mwanga na taifa lenye nguvu katika ukanda wetu  badala ya kuwa mshabiki na mfuasi.

Tanzania inapaswa kuchukua nafasi ya uongozi. Hatupaswi kuwa wasindikizaji, vinginevyo historia ituhukumu kama wasaliti. Itakuwa vyema zaidi iwapo historia ituhukumu kama watu ambao tulisimama na kupigania maslahi na haki za watanzania. Ndugu zangu, nawaombeni ridhaa yenu ili niwe mwakilishi wa taifa letu katika Bunge letu la Afrika Mashariki

“John F. Kennedy Quotes. “My fellow Americans, ask not what your country can do
for you, ask what you can do for your country”

Mungu Ibariki Tanzania

Hildebrand Shayo, PhD
Mgombea Ubunge: Bunge la Afrika Mashariki