polisi yamsaka mbunge wa Arumeru mashariki Joshua Nasari Dogo Janja

Na Woinde Shizza,Arusha

JESHI la polisi mkoani Arusha limetangaza kumsaka popote alipo hadi uvunguni mbunge wa jimbo la Arumeru Mashariki,Joshua Nassar(26)alimaarufu dogo janja likimtuhumu yeye na wenzake kutenda kosa la kutoa maneno ya uchochezi katika mkutano wa chadema uliofanyika jumamosi iliyopita katika viwanja vya NMC jijini Arusha.

Kwa mujibu wa Naibu kamishina wa polisi nchini,Isaya Mngulu alimtaka mbunge huyo kujisalimisha polisi hadi leo saa 12 jioni na baada ya hapo litaanzisha msako mkali wa kumkamata popote alipojificha,baada ya jitihada za kumtafuta kupitia simu yake ya mkononi  kuwa kushindikana baada ya kuwa imezimwa.

Mnguli alisema kuwa pamoja na kumsaka mbunge huyo,polisi  inawahoji makada kadhaa wa chadema ,akiwemo Ally Bananga aliyehamia chadema akitokea ccm,mwenyekiti wa Bavicha Taifa,John Heche  na Alphonce Mawazo ambaye pia amejiunga na chadema akitokea ccm.

Alisema kuwa watuhumiwa hao kwa pamoja walitamka maneno ya uchochezi yanayohatarisha uvunjifu wa amani na kuyataja  baadhi ya maneno hayo kuwa ni kutaka mikoa kadhaa ijitenge kama sudani kusini.

Aliyataja maneno hayo kuwa ni’’iwapo polisi haitawakamata watuhumiwa wa mauaji ya aliyekuwa mwenyekiti wa chadema kata ya Usa River,Msafiri Mbwambo,mkoa wa Arusha na baadhi ya mikoa kanda ya ziwa itajitenga kama Sudani kusini  na kwamba Rais Kikwete hata kanyaga Arusha.

Maneno mengine ni Ridhiwan Kikwete anawapenzi wengi wa kike ambao amekuwa akiwatambulisha kwa baba yake(kikwete) na Kikwete amekuwa akiwateua na kuwapa nyadhifa muhimu serikalini na kuifanya serikali ya Kiswahiba.

Katika hatua nyingine jeshi la polisi limefanikiwa kuwatia mbaroni na kuwafikisha mahakamani watuhumiwa 7 wakiwemo watatu waliohusika na tukio la kumuua kwa kumchinja kama kuku  aliyekuwa mwenyekiti wa chadema kata ya Usa River, Msafiri Mbwambo lililotokea  April 27 mwaka huu wilayani Arumeru.

Mngulu aliwataja watuhumiwa hao kuwa ni,Daudi Mkubwa,Mathias Kurwa na Said Mkwela ambao wote ni wakazi wa mkoani Arusha.


Alisema kuwa polisi ilifanya uchunguzi wa  matukio mengine  kadhaa ya mauaji  likiwemo tukio la kifo cha Matha Joseph (75)mkazi wa Nkoarenkoli wilayani Arumeru aliyeuawa kwa kupigwa na mawe kicha kuchomwa na moto kwa imani za kishirikina na tukio la kifo cha Noel Eliona Manang (25)mkazi wa Singís wilayani Arumeru aliyeuawa ka kupigwa risasi baada ya yeye na wenzake kuvamia shamba la mwekezaji la Mito miwili.

Alisema kuwa katika matukio hayo polisi ilifanikisha kukamata watuhumiwa 12 ambao kwa pamoja walihojiwa na saba kati yao walifikishwa mahakamani wakiwemo watatu waliohusika na tukio la kifo cha Matha Joseph aliyeuawa kwa imani za kishirikina kwa kuchomwa na moto na mmoja ni mlinzi  anayehusika kumpiga risasi Noel Manang baada ya marehemu kuvamia shamba la mwekezaji.