HOJA YA HAJA - MABONDIA NA UNGA: TUNAPONZWA NA NJAA ZETU ZA MAISHA

NA Ibrahim Kamwe 'Big Right'

Asili ya mabondia wengi  duniani wanatoka katika familia duni kwa mfano hapa kwetu Dar es salaam ni mara chache kumkuta bondia ametoka Upanga, Oysterbay, au Masaki ushuwani, nikiwa na maana  mabondia wengi wanatoka uswahilini na ni watu wa hali duni kimaisha, ambapo wengi wetu hatujakalia madawati ya shule ama wengine tuliojitahidi tumefika darasa la tano au sita; kama wazazi walikomaa ndio tunamaliza la saba. 

Baadhi yetu tukiwa na umri wa kuanzia miaka sita nyumbani huwa tunaanza kupewa uzowefu wa kuuza visheti,maandazi, vitumbua, karanga n.k.  na vikibaki nyumbani hauli chakula mpaka viishe. Shuleni mwalimu mkali balaa, darasani hafundishi mpaka usome tuisheni kwake ndio unapata kufundishwa kidogo na ukishindwa maswali yake unakula viboko vya ghadhabu ,hapo ndipo tunapoamua kuachana na shule na kutinga mitaani.  

Michezo yetu ni katika madampo na vichochoroni na tukifikia umri wa kuanzia miaka 12 na kuendelea tunajua jinsi ya kutafuta pesa kwa kuuza njiwa,kucheza kamari,malani,kuiba kuku na bata. Kwa wale walio watukutu zaidi kuuza na kuvuta bangi ni sehemu ya maisha ya kawaida tu huku mitaani kwetu. Aghalabu mlo kwetu ni mmoja tu kiubishoo au kuna wageni nyumbani ndio tunakula milo miwili. 

Katika maisha yetu muda mwingi tupo huru na michezo kuliko kusoma hasa kolokolo,ngoma,mpira na ngumi, mpira tunacheza mabarabarani ,vichochoroni na madampo wakati ngumi tunajifundisha katika makamali vichochoroni au uwani kwa kina masta, begi au tairi limefungwa juu ya  mti tizi linaendelea bila vifanyio vya mazoezi vilivyo rasmi mwendo mdundo tunasonga na tunashinda au kufanya vizuri  katika mashindano yetu tunayoshiriki na hali yetu duni hihi hii ya kimaisha, na majina yetu kutangazwa sana katika vyombo vya habari na kupata umaarufu mkubwa nchini,nchi jirani  na hata nchi za ulaya. Lakini ukibahatika kututembelea na kuangalia tunapoishi na familia zetu na umaarufu tulionao na maisha yetu mabovu inasikitisha.

Kusoma makala kamili BOFYA HAPA