LEO NI SIKU YA MWISHO KUAGA MWILI WA MADIBA HAPA PRETORIA

Leo ni siku ya mwisho ya kuaga mwili wa Mzee Madiba kabla ya kusafirishwa kuelekea kijijini kwake Qunu kwa mazishi siku ya Jumapili. Mitaa ya mji mkuu wa Afrika Kusini, Pretoria, bado imefurika maelfu ya waombolezaji wakiwa katika foleni ndefu kwenda kuamuaga Tata Madiba. Wengine wanaimba na kucheza kusherehekea maisha ya Nelson Mandela, Rais wa Kwanza mweusi wa Afrika ya Kusini. Globu ya Jamii ipo eneo la tukio na Libeneke litaendelea hadi mazikoni kijijini  Qunu.