CHAZ BABA NA ISHA MASHAUZI KATIKA USIKU WA KISMET MANGO GARDEN LEO USIKU

Mwimbaji nyota wa Mashujaa Band Chaz Baba, leo usiku atakwea jukwaa la Mashauzi Classic ndani ya Mango Garden Kinondoni katika onyesho maalum la “Usiku wa Kismet”.

Katika onyesho hilo, Chaz Baba ataimba wimbo wa Isha Mashauzi “Nani Kama Mama” pamoja na vionjo vyake kadhaa vya nyimbo zake za dansi.

Usiku wa Kismet umeandaliwa maalum kwaajili ya watu kujiachia na wapenzi wao ambapo pia CD za wimbo wa “Kismet” zitatolewa kama zawadi ukumbini.

“Kismet” ni wimbo mpya wa Mashauzi Classic ulioimbwa na Isha Mashauzi ambao umejaa maishairi matamu ya mapenzi.

Akiongea na mtandao huu, Isha Mashauzi ambaye ndiye bosi wa Mashauzi Classic, alisema mashabiki watakaoweza kuimba kwa ufasaha japo mstari mmoja wa wimbo “Kismet” watazawadiwa zawadi ya fulana za Mashauzi Classic.

Awali “Usiku wa Kismet” ulikuwa ufanyike Alhamisi iliyopita lakini ukaahirishwa kutokana na mvua mkubwa iliyonyesha katika muda mwingi wa onyesho hilo.