KAMPUNI YA LETSHEGO YASHEREKEA MIAKA 10 YA UTOAJI WA HUDUMA ZA KIJAMII HAPA NCHINI

Afisa Mtendaji Mkuu wa faidika, Mbuso Dlamini akizungumza na waandishi wa habari jijini Dar es Salaam leo wakati wa hafla ya kusherekea miaka kumi ya letshego Tanzania limited jijini Dar es Salaam leo.

Baadhi ya wadau wakimsikiliza Afisa Mtendaji Mkuu wa faidika, Mbuso Dlamini wakati wa kusherekea miaka 10 ya kampuni yao.

Kampuni ya letshego Tanzania limited ikijulikana kama Faidika imesheherekea miaka 10 ya utoaji wa huduma za kijamii hapa nchini na kuzindua upya safari ya mabadiliko na msukumo wa ujumuishaji kwenye sekta ya kifedha kwa lengo la kuboresha maisha ya wananchi wa tanzania 

Akizungumza kwenye hafla hiyo Afisa Mtendaji Mkuu wa faidika, Mbuso Dlamini amesema wataendelea kutoa ufumbuzi wa kifedha utakaoboresha maisha na kuhakikisha ufumbuzi huo unaleta maana kwa watanzania .

Aidha Dlamini amesema watashirikiana na Serikali kuwajengea ujuzi wananchi na kuhamasisha mahusiano ya kimkakati kwa lengo la kumwinua mtanzania mwenye kipato cha chini pamoja na kutoa mafunzo ya ujasiria mali kwa wajasiriamali wadogo wadogo.

‘Ili kufanikisha lengo la ujumuishaji wa kifedha faidika imeanzisha ufumbuzi wenye lengo la kuboresha maisha kupitia upatikanaji wa mikopo ya kilimo ,elimu, afya na nyumba kwa watu wenye kipato cha chini, cha kati na wajasiriamali wadogo’, alisema Dlamini.

‘ Uzinduzi huu unakazia ahadi mpya ya Faidika isemayo Tuboreshe maisha’.ameongeza Dlamini. 

Faidika imefanikiwa kuwafikia zaidi ya watanzania 45,000 nchi nzima ambapo wmenufaika katika maswala ya kifedha kutoka na huduma hizo kutolewa kwa urahisi, stahiki na kwa unafuu zaidi.

Letshego ni taasisi inayotoa huduma za kifedha ambayo imejitolea kuendeleza ujuzi na vipaji na ina zaidi ya vituo vya uwakilishi 268 kupitia mitandao yake inayohudumia zaidi ya wakopaji laki tatu na wawekaji laki moja.