SERIKALI YAANDAA SHERIA NDOGO YA HUDUMA ZA KIFEDHA

 Naibu Waziri wa Fedha na Mipango Dkt. Ashatu Kijaji Ashaji amesema kwamba Mfumo jumuishi wa kifedha ni muhimu katika kujenga uchumi wa Taifa la Tanzania. 

Dkt.Kijaji ameyasema hayo jana wakati wa mkutano wa tatu wa Kitaifa juu ya huduma rasmi za kifedha kwa vikundi vya hisa na mjadala wa masuala ya kisera na Sheria katika uhusishwaji wa kifedha.

Alisema kuwa ili kuhakikisha swala hili linafanyiwa kazi, Serikali imeandaa sera ya mwaka 2006 inayohakikisha mifumo isiyo rasmi ya kifedha inakuwa rasmi na watu wote wanakuwa wamejumuishwa katika mfumo sahihi wa matumizi ndani ya sekta ya kifedha.

Dkt. Kijaju alisema kuwa moja ya changamoto katika mfumo usio rasmi wa kifedha ni kukopeshwa kwa riba kubwa na watu wanaofanyakazi katika mifumo hiyo, lakini hawajarasmishwa rasmi,hali inayouwaumiza Wafanyabiashara na watanzania kwa ujumla.Dkt Kijaji akaongeza kuwa kutokana namfumo huo, Serikali sasa inaandaa sheria kwa ajili ya huduma ndogo za kifedha ilikuwekea mazingira rafiki ya kufanya kazi zao. 

Pia aliongeza kuwa Care international amekuwa mdau mkubwa katika maendeleo ya uchumi nchini Tanzania, sio kifedha tu lakini pia sekta ya afya,Kilimo na maeneo mbalimbali,hivyo  aliwasihi wananchi waendelee kuwapa ushirikiano ili kuleta maendeleo zaidi nchini.

Nae Mkurugenzi Mkazi wa Asasi ya Kiraia Care International Nchini Tanzania Bw. Paul Daniel alisema kuwa lengo la mkutano huo ni muendelezo wa utamaduni wa Care kutoa Fulsa ya kupeana taarifa kwa wadau walio ndani ya sekta hiyo,lengo kubwa ni kuongeza umoja na ushirikiano katika kuhamasisha uhusishwaji wa kifedha katika vikundi vya hisa.

Mkutano huu ulihusisha wadau mbalimbali wa Serikali wakiwemo Wizara ya Fedha na Mipango,Benki kuu ya Tanzania,TAMISEMI na Mamlaka ya mawasiliano Tanzania (TCRA) pia Taasisi za kifedha na Sekta mbalimbali,ikiwa ni juhudi za Care nchini Tanzania ambazo zimelenga katika kutoa Fursa kwa jamii kuhamasisha usawa wa kijinsia kwa ubia wakiwahusisha sekta binafsi, Serikali,wabia wa maendeleo na asasi za Kiraia (CSO's) .Mkutano huo uliandaliwa na Asasi ya kiraia ya Care International ya Nchini Tanzania.

 Naibu Waziri wa Fedha na Mipango Dkt.Ashatu Kijaji akizungumza na wadau mbalimbali wa sekta za Serikali na Sekta binafsi katika hafla hiyo iliyofanyika mapema jana jijini Dar es salaam.

 Baadhi ya Wadau waliohudhuria katika mkutano huo.

 Mmiliki wa Vikundi vya Kifedha (VIKOBA) Mwalim  Monica akitoa ufafanuzi zaidi namna gani alivofaidika kupitia Care International pamoja na taasisi za kifedha. Picha na Yasir Adam Globu ya Jamii

  Mkurugenzi Mkazi wa  Asasi ya Kiraia wa Care International Nchini Tanzania Ndugu Paul Daniel akizungumza katika ufunguzi wa mkutano huo mbele ya Wadau,huku akielezea kwa ufupi lengo la na Mafanikio ya Care International

Mkurugenzi Muendeshaji  wa Mfuko wa Kuendeleza Huduma za Fedha (FSDT) Bi,Irene Mlola akizungumza namna walivyo panua wigo na mafanikio yao katika vikundi mbalimbali vyenye uhitaji wa kifedha nchini Tanzania

 Baadhi ya Wadau waliohudhuria katika mkutano huo

 Mkurugenzi wa Masoko na Maendeleo ya Biashara Bw. Deo Kwiyakwa akizungumza kuhusu  Sera,sheria zinavyokwamisha Maendeleo katiaka Taasisi za Kifedha

Mkurugenzi wa Programu (GEWE) Bi Mwanahamisi Singano akizungumza jambo katika Mkutano huo ulio wakutanisha Sekta za kiserikali na sekta binafsi