BAADA YA KANDA YA ZIWA ,SASA NI KANDA YA KATI TAMASHA LA PASAKA NDANI YA UWANJA WA JAMHURI MJINI DODOMA LEO

Baada ya kufanya tamasha la pasaka kanda ya ziwa (Mwanza na mkoa wa Simiyu) na kufanikiwa kwa kiasi kikubwa,leo ni zamu ya kanda ya kati Dodoma,makao makuu ya nchi.

Akizungumza na Waandishi wa Habari mapema leo mjini Dodoma,Mkurugenzi wa Kampuni ya Msama Promotion inayoandaa Tamasha la Pasaka,Alex Msama amesema sasa ni zamu ya kanda ya kati Dodoma,ambapo leo tamasha hilo linafanyika.

"Tunamshukuru Mungu tumefanikisha salama tamasha la pasaka kanda ya ziwa,kwa maana kwamba ya mkoa wa Mwanza na Simiyu,kesho tunahitimisha kanda ya kati Dodoma,ndani ya uwanja wa Jamhuri'',alisema Msama.

Msama amesema kuwa maandalizi ya tamasha hilo ndani ya mkoa wa Dodoma,yamekwishakamilika na kwamba kila kitu kiko sawa,alisema na kuongeza kuwa hata waimbaji wameishawasili tayari kwa kumtukuza Mungu kupitia nyimbo zao za injili.

Amesema tamasha hilo litakuwa la tofauti,kwa sababu waimbaji wengi ambao hawakuwepo Mwanza na simiyu,watapata nafasi ya kuonekana na kuimba mbele ya wakazi wa mji wa Dodoma,watakaofika kwenye tamasha hilo linalotarajia kufanyika kesho April 8 2018,ndani ya uwanja Jamhuri

Msama amewawataja baadhi ya waimbaji baadhi ya Waimbaji watakaoimba katika tamasha hilo ni Solomon Mukubwa kutoka nchini Kenya ambaye tayari amekwishawasili mjini Dodoma,Rose Muhando ambae ataendeleza uzinduzi wa albam yake mpya ya “Usife Moyo” huku akitamba na kibao chake kilichomo kwenye albam hiyo kijuliakano kwa jina “Lazima Wakae” .

Msama anawakaribisha wakazi wa mji wa Dodoma na vitongpoji vyake kujitokeza kwa wingi   leo ili kushuhudia burudani ya muziki wa injili huku wakipata uponyaji na wokovu kwa njia ya uimbaji kwa kiingilio cha shilingi elfu 3000/= tu.