IJUE DREAMLINER

​Na Geofrey Chambua 

kutoka vyanzo mbalimbali 

 Ndege ya Boeing 787-8 Dreamliner ni ya ukubwa wa wastani, yenye injini mbili inayotengenezwa na kampuni ya Boeing ya Marekani. 

Kwa mara ya kwanza ndege hii ilirushwa mnamo mwaka 2009 na ilikua ipewe jina la 7E7 (E Ikimaanisha Efficiency-Ufanisi) lakini ikabadilishwa na kuitwa 787 Ili kuendana na mazoea ya ;majina ya ndege a aina hiyo. 

Hata hivyo namba 8 inahusishwa na bahati (kwa kichina na ndio wanaoongoza kwa kununua ndege nyingi za aina hii. Kutegemea na Muundo na Toleo, Bei yake ni kati ya dola 146 hadi $200 milioni Uzito wake ikiwa bila abiria ni 117,617 kilograms, sawa na Tembo 29!!!!!!!na urefu wa BAWA ni sawa na Mita 60 (yaani utembee hadi nusu ya uwanja wa mpira uongeze mita 10) 

Matumizi yake ya mafuta ni wa asilimia 20 chini cha ndege ya ukubwa sawa na huo na ndiyo ndege ya Boeing inayotumia kiwango cha chini zaidi cha mafuta. 

 Injini zake zimejengwa kwa njia maalumu ili kupunguza sauti ndani na pia nje ya ndege kwa hadi asilimia 60. Madirisha yake ni makubwa kuliko ya ndege zingine za ukubwa kama huo kwa asilimia 65 (47 by 28 centimeters) 

Kinyume na mfumo unaotumiwa kawaida wa kufungua kuongeza au kupunguza mwangaza wa dirisha kwenye ndege, kwa ndege hii ni kibonyezo ambacho hutumika kwa kutumia teknolojia ya kabadilisha rangi ya kioo kukiwezesha kudhibiti mwangaza unaoingia.

Ina uwezo wa kubeba hadi abiria 262 ikiwa pia na uwezo wa kusafiri umbali wa kilomita 13,621 bila kusimama. Boeing 787-8 ilijengwa kuchukua mahala pa ndege aina za 67-200ER na 300ER.