IFAHAMU MIKAKATI YA JESHI LA MAGEREZA TANZANIA

Mkuu wa Jeshi la Magereza Tanzania, Kamishna Jenerali Phaustine Kasike amesema wanaendelea na mpango wa kuhamisha wafungwa kutoka kwenye magereza yasiyo na shughuli za kilimo na kuwahamishia kwenye Magereza ya kilimo ili kufikia malengo ya kimkakati ya kuzalisha chakula kwa ajili ya kutosheleza wafungwa na mahabusu wote hapa nchini. Ameyasema hayo mara baada ya kukagua shamba la mahindi la Gereza la Kitai lililopo katika Wilaya ya Mbinga mkoani Ruvuma ambapo gereza hilo pia ni miongoni mwa magereza 10 hapa nchini, ambayo yameteuliwa kwenye mpango mkakati wa mradi wa kilimo kwa ajili ya chakula cha wafungwa na mahabusu.