TPA YAKAMILISHA UJENZI GATI YA MWALONI MUSOMA YENYE THAMANI YA SHILINGI MILIONI 605

 

Na Humphrey Shao,Globu ya Jamii, Musoma

Mradi wa ujenzi wa Gati mpya ya Mwalo wa Musoma unaojengwa na Mamlaka ya bandari ,umefikia  katika hatua za mwisho na wakazi wa eneo hilo wameanza kuutumia kwa ajili ya shughuli za kibiashara.

Akizungumza  na Waandishi was Habari mapema leo Mkoani Mara katika ziara ya kutembelea na kutangaza miradi ya Maendeleo iliyopo katika bandari za Ziwa Victoria, Mhandisi wa TPA,Abraham Msina amesema ujenzi huo umegharimu kiasi Cha shilingi Milioni605 .

"Mradi huu ambao ulianza tangu Novemba 2018 na kukamilika Mwaka huu May chini ya kampuni ya Kitanzania ambayo inaitwa Pentel  utaweza kuongeza mapato kwa mamlaka ya bandari na kurahisisha usafiri kwa wakzi wa eneo la Musoma"

Mhandisi Msina amesema mradi huo utakuwa na manufaa makubwa Sana kwa Jamii kwani  lengo ni kusaidia upakiaji wa abiria na boti ndogo za mizigo na uvuvi.

Ametaja kuwa hapo awali Wakazi wa la Musoma walikuwa wakipaki vyombo vyao kando tu lakini kwa sasa Kila mtu anaweza kupaki chombo kwa usalama

 Mhandisi wa Mamlaka ya Bandari katika Ziwa Victoria , Abraham Msina akizungumza na Waandishi wa habari juu ya mradi mkubwa wa ujenzi wa gati ya Mwalo wa Musoma mkoani mara

 Moja ya boti zinazopaki katika Gati Mpya ya Mwalo wa Musoma katika mkoa wa Mara ikipakia mizigo katika bandari hiyo iliyojengwa kwa gaharama ya Milioni 605

 Mmoja wa Wakazi wa Musoma David Katikilo akieleza faida zilizopatikana mara baada ya kukamilika kwa mradi huo wa Bandar

 Mhandisi Mjenzi akitoa maelekezo kwa Mhandisi wa TPA Hatua zilizobakki katika kukamilisha mradi huo wa ujenzi wa bandari mpya ya Mwaloni

Gati ya Mwaloni  Musoma Mkoani Mara inavyoonekana kwa juu mara baada ya kukamilika