TANDAHIMBA YAJIPANGA KUONDOA TATIZO LA WATOTO KUTOJUA KUSOMA NA KUANDIKA

 Afisa Elimu Msingi Wilaya ya Tandahimba Khadija Mwinuka akifafanua jambo 

  shule ya msingi Amani iliyopo Tandahimba mjini

Afisa Elimu Msingi  wa Wilaya ya Tandahimba Khadija Mwinuka amesema anajipanga kuondoa tatizo la watoto kutojua kusoma na kuandika wanapomaliza elimu ya msingi.

Amesema hayo wakati akizindua mashindano ya Wilaya ya Kusoma,Kuandika,Kuhesabu na Kuchora   ambayo yamefanyika katika shule ya msingi Amani iliyopo Tandahimba mjini

" Wanafunzi ambao wamemaliza mwaka huu 34 walikuwa hawawezi Kusoma wala kuandika hii ni changamoto,lakini lengo letu ni kutokuwa na wanafunzi wa namna hii ndani ya Wilaya yetu,"amesemaMwinuka

Amesema wanafunzi 54 wa darasa la Kwanza na la pili wanashindana na wanatarajia kupata wanafunzi 8 ambao watakwenda kwenye mashindano ya Mkoa na baadaye Kitaifa