Halmashauri ya Tandahimba yapokea wakimbizi 165 kutoka Msumbiji

Halmashauri ya Tandahimba imepokea wakimbizi 165 ambao wameingia Wilayani humo kwa madai ya kukimbia machafuko yanayoendelea nchini kwao.

Akizungumza Jana Mkurugenzi wa Halmashauri ya Wilaya ya Tandahimba Said Msomoka alieleza kuwa  wakimbizi hao wameingia kwa kupitia Mto Ruvuma hivyo halmashauri imewahifadhi katika Kijiji Cha Lipalwe B

"Tumewatoa kule bondeni tumewaleta hapa kijijini na tumewaandalia sehemu kwa ajili ya malazi na vile vile tumewaletea chakula ," alisema Msomoka

Naye Mkaguzi  Msazidizi wa Uhamiaji Raymond Mapunda alieleza kuwa Kati ya idadi hiyo wanaume 37,wanawake 47,watoto wa kiume 33 ,watoto wa kike 28 na hivyo kufikia idadi ya 143 ,22 ni idadi ya raia wa Tanzania ambao nao walikuwa wakiishi huko 

"Kabla ya kuwapokea wanakaguliwa ili kujiridhisha ili kuepuka kuwapokea wengine ambao huenda wakawa waharifu,lakini hata hivyo wanachi wafuate utaratibu wanapotaka kwenda nchi hiyo jirani kwa kufika katika ofisi za Uhamiaji Wilaya,"alisema Mapunda

 

Wakimbizi raia wa Msumbiji

 Mkaguzi Msaidizi wa Uhamiaji Wilaya ya Tandahimba Raymond Mapunda 

 Mkurugenzi Mtendaji wa Halmashauri ya Tandahimba Said Msomoka