IGP SIRRO NA IGP MATANGA WA ZIMBABWE WAFANYA MAZUNGUMZO MAKAO MAKUU YA POLISI DAR

Mkuu wa Jeshi la Polisi nchini, IGP Simon Sirro akisalimiana na Kamishna

Jenerali wa Jeshi la Polisi Zimbabwe, TG Matanga wa zimbabwe jijini Dar es Salaam.

MKUU wa Jeshi la Polisi nchini, IGP Simon Sirro amesema Tanzania

inanufaika kiulinzi na usalama kutokana na kuwa mjumbe wa Shirikisho la

Wakuu wa Polisi wa nchi za ukanda wa Kusini mwa Afrika (SARPCCO).

IGP Sirro ameyasema hayo leo wakati alipokuwa akizungumza na vyombo vya habari mara baada ya kikao na Mwenyekiti wa Shirikisho hilo Kamishna

Jenerali wa Jeshi la Polisi Zimbabwe, TG Matanga ambaye yupo nchini

kwa ziara maalum.

IGP Sirro amesema kuwa kutokana na kuwa mjumbe wa shirikisho hilo,

Tanzania imefanikiwa kwa kiasi kikubwa kuzuia na kudhibiti makosa

yanayovuka mipaka yakiwemo makosa ya usafirishaji haramu wa

binadamu, wizi wa magari na dawa za kulevya.

Kwa upande wake Mwenyekiti wa Shirikisho hilo ambaye pia ni Mkuu wa

Jeshi la Polisi Zimbabwe, Kamishna Jenerali TG Matanga, amesema yupo

nchini kwa ziara maalum ya kufanya tahmini ya utekelezaji wa maazimio ya

INTERPOL pamoja na maazimio ya SARPCCO.