Wajasiriamali waaswa matumizi salama ya Kemikali nchini

Na Chalila Kibuda, Globu ya Jamii
WAJASILIAMALI wanaozalisha   bidhaa kwa kutumia   kemikali wametakiwa kutumia kemikali hizo kwa usalama ili zisiweze kuleta madhara kwa jamii.

Kemikali hizo  wakati mwingine zinaweza kuleta madhara hata kwa wazalishaji bidhaa kutokana na kutotumia ipasavyo.

Hayo ameyasema Mkemia Mkuu wa Serikali Dkt. Fidelice Mafumiko wakati akifungua mafunzo   ya wajasiriamali wa Wadogo na Kati wa Kanda ya Mashariki  yaliyofanyika  jijini Dar es Salaam.

 Amesema kuwa na uchumi wa viwanda nchini pamoja na wazalishaji  wa bidhaa wanaotumia kemikali wanahitaji kuwa na matumizi salama ya kemikali hizo.

Dkt.Mafumiko amesema kuwa kemikali zisipotumika kwa usahihi zinaweza kuleta madhara ya kimazingira ambapo athari zake ni kubwa  ambapo maendeleo yanayohitajika yasiweze kufikiwa.

Amesema kuwa wadau wa kemikali wanauelewa wa Mamlaka ya Maabara ya Mkemia Mkuu wa Serikali (GCLA) kutokana na kujisajili na kuomba vibali vya uingizaji wa kemikali nchini hivyo watumiaji nao lazima wawe na elimu ya utumiaji wa Kemikali hizo katika uzalishaji wa bidhaa.

“GCLA inataka wajasiriamali waendelee ikiwa ni pamoja na kutumia kemikali kwa usahihi wake ili zisiweze kuleta madhara kwa wananchi  kutokana na kutumia bidhaa ambazo kemikali zake hazijatumika kwa taratibu zinazotakiwa”amesema  Dkt.Mafumiko

Dkt.Mafumiko amesema kuwa mafunzo mengine yatakwenda kwa wauzaji wa kemikali ambao wanatakiwa kuuza bidhaa za kemikali zilizo bora na si vinginevyo .

Mkurugenzi wa Kampuni ya Kutengeneza Sabuni   Jema General Traders  Maria Lwila amesema kuwa Mafunzo hayo ni muhimu kwao kwani ndio watumiaji wa kemikali katika uzalishaji wa bidhaa mbalimbali.

Amesema kuwa elimu walioipata wataitumia katika utengenezaji wa bidhaa bora kwa kuzingatia matumizi salama ya kemikali na kuongeza kuwa wauzaji nao wanatakiwa kupewa elimu hiyo.

Mkufunzi wa Shirika la Kuhudumia Viwanda Vidogo (SIDO) George Buchafwe amesema kuwa SIDO itaendelea kushirikiana na GCLA katika kuhakikisha wajasiriamali wanafikia viwango vinavyohitajika katika matumizi ya kemikali.
Mkemia Mkuu wa Serikali Dkt.Fidelice Mafumiko akizungumza katika mafunzo ya Wajasiriamali wa Kanda wa Mashariki kuhusiana na matumizi sahihi ya Kemikali yaliyfanyika katika viwanja vya Sabasaba jijini Dar es Salaam.
Mkurugenzi wa Idara ya Usimamizi wa Kemikali wa Mamlaka ya Maabara ya Mkemia Mkuu wa Serikali(GCLA) Daniel Ndiyo akitoa maelezo wakati akiwakilisha mada kwa wajasiriamali wa kanda ya mashariki iliyofanyika jijini Dar es Salaam.
Mkufunzi wa Shirika la Kuhudumia Viwanda Vidogo (SIDO) George Buchafwe akizungumza namna wanavyowaratibu wajasiriamali katika uanzishaji wa wa viwanda namana ya kufuata taratibu za serikali.
Mkurugenzi wa Sabuni ya Usafi Jovita Masanyika akizungumza namna wanavyotumia kemikali katika uaandaji wa bidhaa za sabuni wakati wa mafunzo kwa wajasiriamali wa Kanda ya Mashariki yaliyofanyika jijini Dar es Salaam.Mkurugenzi wa Kampuni ya Jema General Traders, Maria Lwila akitoa maelezo kuhusiana na upatikanaji wa kemikali wakati wa mafunzo kwa wajasiriamali wa Kanda ya Mashariki yaliyofanyika jijini Dar es Salaam.
Mkemia Mkuu wa Serikali Dkt.Fidelice Mafumiko akiwa katika picha ya pamoja na wajasiriamali wa Kanda ya Mashariki mara baada ya kufungua mafunzo ya kwa wajasiriamali hao