Uchaguzi Mkuu Burundi: Mgombea wa chama tawala Evariste Ndayishimye ashinda urais

Tume ya uchaguzi nchini Burundi imemtangaza mgombea wa chama tawala Meja Jenerali Evariste Ndayishimiye kuwa mshindi wa uchaguzi wa urais uliofanyika juma lililopita.

Meja Jenerali Ndayishimiye ameshinda kwa kupata 68.72% ya kura zilizopigwa, wakati Agathon Rwasa, kutoka chama kikuu cha upinzani akipata 24.19% , kwa mujibu wa matokeo yaliyotangazwa na tume hiyo.

Kwa kuwa Meja Jenerali Ndayishimiye amepata zaidi ya 50% ya kura, ameepuka kufanyika kwa duru ya pili ya uchaguzi.

Haya ni matokeo ya awali ya uchaguzi , ambapo matokeo ya mwisho yatatangazwa na mahakama ya kikatiba tarehe 4 mwezi Juni.

Meja Jenerali Ndayishimiye aliteuliwa kupeperusha bendera ya chama cha CNDD-FDD katika kikao kisicho cha kawaida kilichofanyika Gitega, mji mkuu wa kisiasa baada ya mazungumzo yaliyodumu kwa saa tatu ya chama tawala cha CNDD-FDD.

Wagombea wengine waliochuana 
kwenye kinyang'anyiro hicho ni pamoja na;

Gaston Sindimwo (Uprona) - 1.64%

Domitien Ndayizeye (Kira Burundi) - 0.57%

Léonce Ngendakumana (FRODEBU) - 0.47%

Nahimana Dieudonné - 0.42%

Francis Rohero - 0.20%

HABARI KWA HISANI YA BBCSwahili.com