TCRA YAZIFUNGIA CLOUDS TV,CLOUDS REDIO SIKU SABA KWA KUTANGAZA WAGOMBEA UBUNGE WALIOPITA BILA KUPINGWA WAKATI TAARIFA HIYO HAINA UTHIBTISHO WA NEC

Na Chalila Kibuda,Michuzi Tv.

MAMLAKA  ya Mawasiliano Tanzania (TCRA)  imeifungia matangazo Clouds TV na Clouds  Redio kwa wiki moja kuanzia leo Agasti 27 hadi Agasti 3 mwaka huu.

Sambamba na kufungiwa kuanzia leo na kesho ya Agasti 28 katika vituo hivyo kazi yao ni kuomba radhi Umma  kwa kitendo walichokifanya.

Akizungumza na waandishi wa habari leo Agosti 27,2020 ijini Dar es Salaam Mkurugenzi Mkuu wa Mamlaka hiyo  Mhandisi James Kilaba amesema katika vipindi vya  360 na  Power Breakfast walirusha takwimu za wgombea ubunge waliopita bila kupingwa wakati taarifa hiyo haijadhibitishwa na Tume ya Taifa ya Uchaguzi(NEC) na kukosa mezania.

Mhandisi Kilaba alimnukuu Mtangazaji "Sasa kuna wagombea ambao  wamepita bila kupingwa ...mimi nilikuwa ninazo 23 mpaka saa hizi (kumi na nane zikaongezekaje hizo zingine)...si watu wanazidi ku-confirm (kwa hiyo kuna uwezekano kwamba zinaweza kuzidi)...zinaweza kuzidi ...
"Ishapita kwa sababu ,aaah mpaka saivi ,mpaka tunaingia mtamboni hapa ...23 washafika..."

Amesema kifungu cha 16 (1) cha kanuni za Utangazaji (Maudhui) na kanuni ndogo za utangazaji wakati wa uchaguzi za mwaka 2015 zimebainisha wajibu wa mtoa maudhui kutoa taarifa za matokeo ya uchaguzi kwa kadri zinavyopatikana na kutolewa na Tume ya Uchaguzi na kuhakikisha matokeo yanatangazwa kwa ufasaha .

Mkurugenzi Mkuu Kilaba amesema mtoa huduma ya maudhui anapaswa kufuata kanuni,Sheria na masharti ya leseni sambamba na maelekezo yanayotolewa na mamlaka .