MBUNGE MTEULE LUDEWA AMTAKA MGOMBEA MWENZA WA CHADEMA AWAOMBE RADHI WANA LUDEWA KWA KUSEMA UONGO.

 

 Na Shukrani Kawogo, Njombe.

Mbunge wa Jimbo la Ludewa Joseph Kamonga aliyepita bila kupingwa amemtaka mgombea mwenza wa Chama Cha Demokrasia na Maendeleo (CHADEMA) Salum Mwalimu kuwaomba radhi wana Ludewa kwa kusema uongo hadharani.

Mbunge huyo ameyasema hayo alipokuwa kwenye mkutano wa hadahara katika kata ya Lupanga wilayani Ludewa na kuongeza kuwa mgombea huyo amesema kuwa wananchi wanadanganywa kuwa Chama Cha Mapinduzi ( CCM) kinafanya siasa juu ya ujenzi wa barabara ya kiwango Cha zege inayoendelea kujengwa kwa kutoka Lusitu Hadi Mawengi alipofanya mkutano wake siku ya Jana katika kata ya Mlangali.

Alisema  Rais Dk. John Magufuli amewekeza katika barabara hiyo bilioni 167.5 ili wana Ludewa waweze kupata maendeleo.

"Wananchi wa Ludewa wanajitambua hivyo hawawezi kudanganyika kwa vitu ambavyo wanaviona kwa macho! hivyo Chadema wajipange upya juu ya sera zao kwa Ludewa kwa hili wamefeli", Alisema Mbunge Kamonga.

Aliongeza kuwa wananchi wanawaona wakandarasi walivyo na kasi ya kuijenga barabara.

Alisema Rais Dk. Magufuli amefanya Maendeleo makubwa sana katika nyanja mbalimbali ikiwemo elimu bure ambapo ametoa zaidi ya bil. 29 afya zaidi ya bilioni 3 n.k

"Hivi kwa fedha zote hizi ambazo Rais Magufuli amewaletea kwa ajili ya maendeleo unafikiri utawaambia nini wakakuelewa?", Alisema Kamonga.

Wanachama wa Chama Cha Mapinduzi CCM pamoja na wananchi wakimpokea mbunge wao aliyepita bila kupingwa Joseph Kamonga Katika kata ya Lupanga

Wajumbe wa kamati ya kampeni wilaya wakiserebuka walipowasili kata ya Lupanga Kijiji Cha Lupanga. Wakwanza kushoto ni Stella ngairo, Ednda Haule  na Leah Mbilinyi ambaye pia ni mwenyekiti wa UWT wilaya ya Ludewa

Mbunge wa Jimbo la Ludewa aliyepita bila kupingwa Joseph Kamonga akiwa kwenye picha ya pamoja na wazee wa Kijiji cha Mapufya

 Mwenyekiti wa Chama Cha Mapinduzi wilaya ya Ludewa Stanley Kolimba akiwa na mbunge wa Ludewa aliyepita bila kupingwa Joseph Kamonga.

Mwenyekiti wa Chama Cha Mapinduzi wilaya ya Ludewa Stanley Kolimba ( katikati) akiselebuka na baadhi ya viongozi wenzie na wanachama wa Chama hicho katika kata ya Lupanga

Mkazi wa kata ya Lupanga akionyesha furaha yake kukutana na mbunge aliyepita bila kupingwa Joseph Kamonga.

Mbunge wa Jimbo la Ludewa aliyepita bila kupingwa Joseph Kamonga (wakwanza kulia) akiongea na wananchi wa kijiji cha Lupanga Mapufya. Anayefuata diwani wa kata hiyo Dominicus Mganwa, diwani wa kata ya Mawengi Leodgar Mpambalioto wote wamepita bila kupingwa na mwenyekiti wa UWT wilaya ya Ludewa

 Mbunge wa jimbo la Ludewa aliyepita bila kupingwa Joseph Kamonga akiongea na wananchi wa kijiji cha Lupanga kilichopo kata ya Lupanga Wilayani Ludewa.