MBUNGE NYAMOGA AWAPONGEZA NEW FOREST

Mbunge wa Jimbo la Kilolo Justin Nyamoga akizungumza na  baadhi wananchi.

Mbunge Nyamoga akizungumza na madiwani na wanafunzi wa Shule ya msingi mbigili.

Mbunge wa Jimbo la Kilolo Justin Nyamoga akikagua moja ya

majengo ya shule ya sekondari Mazombe.

Na Denis Mlowe, Iringa

MBUNGE wa Jimbo la Kilolo mkoani Iringa, Justin Nyamoga amezipongeza

kampuni ya New Forest, shirika lisilo la kiserikali la Lyra In Africa

kwa kufanikisha ujenzi la bweni la shule sekondari Mazombe.

Ujenzi huo umejengwa na kampuni hiyo kwa kushirikiana na wananchi wa

kata ya Lugalo wilaya ya Kilolo kwa ajili ya wasichana wa Shule ya

sekondari Mazombe waliokuwa wakipata changamoto ya baadhi kukosa

makazi na kupanga uraini.

Akizungumza wakati alipofanya ziara ya kuwatembelea wananchi na

kuwashukuru kwa kukichagua chama cha Mapinduzi kwa kura nyingi na

kumchagua kuwa mbunge wa Jimbo Hilo, Nyamoga alisema moja ya ahadi

zake kuhakikisha sekta ya Elimu inakuwa Katika Jimbo la Kilolo.

Alisema kitendo cha kampuni ya Forest na Lyra in Africa ni Cha kuungwa

mkono kwani inaonyesha ni kiasi gani wanamuunga mkono Rais wa Jamhuri

ya Muungano wa Tanzania John Pombe Magufuli.

Aidha Nyamoga aliwashukuru wananchi wa Halmashauri ya wilaya ya Kilolo

na wananchi wa kijiji cha Mazombe kwa ushirikiano wao mzuri wa kujenga

bweni la wasichana katika shule sekondari ya Mazombe kwani itasaidia

kwa kiasi kikubwa utoro na mimba zisizotarajiwa.

Akizungumzia tatizo Ia maji katika Kata hiyo Nyamoga alisema kuwa

litatatuliwa kwasababu serikali inatekeleza mradi mkubwa wa maji

unaogharimu takribahi shilingi Bilioni 10 za Kitanzania kwa ajili ya

kutatua kero hiyo kwa wakazi wa kata ya Lugalo.

Aidha alisema kuwa ataendelea kushirikiana nao ili kukamilisha ujenzi

wa zahanati ya kijiji cha Mbigili na kufanya ukarabati wa shule ya

msingi Mbigili.

Katika Ziara hiyo Nyamoga alitembelea shule ya msingi Mkawaganga shule

ya msingi Mbigili. zahanati ya Mazombe na zahanati ya Mbigili kwa

lengo la kuangalia changamoto wanazokabiliana nazo kuweza kuzitatua

kwa kushirikiana na wananchi na serikali kwa ujumla.