NEWZ ALERT: RAIS SAMIA AMTUMBUA MKURUGENZI MKUU WA BANDARI,ASHUSHA MAAGIZO MAZITO TAKUKURU NA TAMISEMI

Na Mwandishi Wetu, Michuzi TV - Dodoma

RAIS wa Jamhuri ya Muungano wa Tanzania, Mhe. Samia Suluhu Hassan ametangaza kusimamishwa kazi kwa Mkurugenzi Mkuu wa Mamlaka ya Bandari (TPA) baada ya kubainika kuwepo kubadhilifu wa fedha za Serikali zaidi ya Bilioni 3.6.

Akizungumza wakati akipokea Ripoti ya Mkaguzi Mkuu wa Hesabu za Serikali (CAG) na Ripoti ya Taasisi ya Kuzuia na Kupambana na Rushwa (TAKUKURU) ya mwaka 2019-2020, Rais Samia amesema Mkurugenzi huyo atasimamishwa kazi kupisha uchunguzi wa upotevu huo wa Fedha hizo za Serikali.

Pia Rais Samia ameziagiza TAKUKURU na CAG kuangalia Mifumo ya ukusanyaji wa Mapato, ameagiza kuwepo kwa Mifumo maalum ambayo itatumika kuhakikisha ukusanyaji wa mapato hayo ya Serikali.

Hata hivyo, Rais Samia amegiza Ofisi ya Tawala za Mikoa na Serikali za Mitaa (TAMISEMI) kuangalia zaidi urudishaji wa fedha za Serikali sio tu kuchukua tu fedha hizo kufanyia miradi mbalimbali.

Amewaagiza CAG kusimamia Mashirika na Taasisi zisizofanya vizuri kwa kuhakikisha Ripoti zinazotolewa na kuwasilishwa kuwa za wazi zaidi.