NAIBU WAZIRI GEKUL AFANYA ZIARA BASATA NA TSN MKOANI DAR ES SALAAM.

 Naibu Waziri wa Habari, Utamaduni, Sanaa na Michezo Mhe. Pauline Gekul jana April 24,/2021 amefanya  ziara katika Tasisi  za Wizara hiyo za Baraza la Sanaa la Taifa (BASATA) na Kampuni ya Magazeti ya Serikali (TSN)

Wakati wa ziara hiyo Mhe. Gekul ametoa maelekezo yafuatayo:

1) Baraza la Sanaa la Taifa - BASATA kukamilisha mfumo wa kielektroniki wa usajili wa wasanii wote nchini, Baraza kusimamia maadili ya wasanii ipasavyo, Baraza kufufua muziki  wa asili wa watanzania pamoja na Baraza kuwa rafiki kwa wasanii na kuwapatia mafunzo ya mara kwa mara,

2) Aidha Mhe. Gekul alipoitembelea Kampuni ya Magazeti ya Serikali (TSN) ambako alipokea changamoto mbali mbali zinazoikabili kampuni hiyo huku akisisitiza TSN kuchapa kazi kwa bidii na kuendelea na kazi ya kuwahabarisha Watanzania juu ya miradi mbalimbali ya kimkakati inayotekelezwa na Rais Samia Suluhu Hassan na Serikali ya awamu ya sita kwa ujumla.