CHIFU Zvimba ambaye ni kiongozi mkuu wa kitamaduni wa kijiji cha aliyekuwa Rais wa Zimbabwe Robert Mugabe amemuandikia waraka mke wa Hayati Mugabe Bi. Grace Mugambe na kumtaka kufika katika mahakama ya kitamaduni Alhamisi wiki ijayo kwa madai ya kutofuata taratibu za kitamaduni wakati wa kumzika kiongozi huyo.
Grace Mugabe aliyeondoka nchini humo kwenda Singapore mapema 2020 anadaiwa kumzika kiongozi huyo katika makaburi ya familia kinyume na tamaduni ya jamii yao ambayo ilichagua kumzika katika sehemu aliyozikwa Mama yake pamoja na jamaa zake wa karibu.
Kwa mujibu wa jarida la The East Africa imeelezwa kuwa ujumbe huo uliotumwa na Chifu Zvimba pia umemtuhumu Grace kwa kuacha mali za Hayati Mugabe zilizotapakaa nchini humo na kumuelekeza Grace kuufukua mwili wa hayati Mugabe ili uzikwe tena kwa kufuata utamaduni wa watu wa Zvimba na hiyo ni pamoja na kulipa faini kwa kutoa mbuzi na ng'ombe wawili.
Robert Mugabe alifariki dunia Septemba 6, 2019 nchini Singapore alipokuwa akipatiwa matibabu baada ya kuugua kwa muda mrefu na hiyo ni baada ya miaka miwili tangu aondolewe madarakani na jeshi baada ya kuongoza nchi hiyo kwa miaka 37 na alizikwa Zvimba kilomita tano kutoka mji mkuu Harare.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...