NAIBU SPIKA TULIA AFANYA ZIARA KAMPUNI YA STARTIMES, AFURAHISHWA NA UWEKEZAJI WA AJIRA 2000 KWA VIJANA.

Na.Khadija Seif, Michuzi Tv

NAIBU Spika wa Bunge la jamhuri ya Muungano wa Tanzania Dkt..Tulia Ackson amefanya Ziara katika Kampuni ya Startimes jijini Dar es salaam.

Akizungumza na Michuzi Tv, Mara baada ya kutembelea Kampuni hiyo ya Startimes limited Makao makuu iliyopo Bamaga jijini Dar es salaam amewapongeza Sana kutokana na utoaji wao wa ajira kwa vijana wengi.

"Imekua moja ya Kampuni ambayo inatoa ajira kwa vijana hasaa ajira ya kudumu kwa vijana 500 na kwa upande wa mauzo sehemu mbalimbali imetoa ajira kwa vijana elfu 2000 hivyo kwa jinsi gani utaona ni Kampuni ambayo ipo sio kwa lengo tu la kujinufaisha yenyewe  bali ipo kwa kuunga Mkono Serikali ya awamu ya 5 chini ya Rais wetu mpendwa Mama Samia Hassan Suluhu kuwezesha upatikanaji wa ajira hasa Kwa vijana."

Pia Tulia amewapongeza kwa uwekezaji Mkubwa kwa Kampuni ya Startimes na kuhakikisha inawezesha Watanzania wanapata vitu mbalimbali kupitia King'amuzi cha Startimes kutokana na kutoa kwao Maudhui mbalimbali ya kiburudani hususani tamthilia na filamu zenye kutumia lugha ya kiswahili.

Kwa wake Meneja Masoko wa Kampuni ya Startimes David Malisa amesema ujio wa Naibu Waziri utaleta chachu na maboresho mbalimbali katika Kampuni hiyo ili kuleta Mabadiliko katika tasnia ya Burudani.

"Ujio wake ni wa Baraka Sana kwa siku ya Leo sote tunatambua umuhimu wa kiongozi wetu Mchapakazi ambae anashirikiana na vijana vizuri hivyo kwa siku ya Leo ametupa mwanga kwa namna gani tutaweza kuendesha Kampuni yetu."

Hata hivyo Malisa ameeleza kiundani zaidi Ushauri ambao umetolewa na kiongozi juu ya Kuboresha Maudhui hasa ya Kimichezo katika Tv3ambayo ni mpya.

"Kama tunavojua Dr.Tulia anapenda Michezo hivyo ametusihi tuongeze vipindi vya Michezo kwa wanawake hasa Netball na rede ikiwezakana iwepo na Michuano kwa ajili ya wanawake zaidi ili waweze kupewa nafasi katika jamii." 

Naibu spika wa jamhuri ya Muungano wa Tanzania Dr.Tulia Ackson akiwa pamoja na Meneja Masoko wa Kampuni ya Startimes David Malisa wakitambulishwa baadhi ya vipindi vinavyorushwa katika Tv3 ambayo ilizinduliwa mapema mwaka huu Katika maudhui ya Kimichezo

Naibu spika wa jamhuri ya Muungano wa Tanzania Dr.Tulia Ackson akiwa pamoja na Meneja Masoko wa Kampuni ya Startimes David Malisa wakitambulishwa baadhi ya vipindi vinavyorushwa katika Tv3 ambayo ilizinduliwa mapema mwaka huu Katika maudhui ya Kimichezo