YANGA SC YAWARUDISHA KAZE, ZAHERA

Na Mwandishi Wetu, Michuzi TV

KLABU ya Soka ya Yanga imewarudisha waliowahi kuwa Makocha wake Wakuu kwa vipindi tofauti, Mwinyi Zahera na Cedric Kaze ambao wamerejea Kikosini hapo katika majukumu tofauti msimu huu wa mashindano.

Mwinyi Zahera amerejea Yanga SC kama Mkurugenzi wa Maendeleo Soka la Vijana, awali Zahera alikuwa Kocha Mkuu wa Klabu hiyo, Cedric Kaze pia amewahi kuwa Kocha Mkuu Kikosini hapo, kwa sasa amerejea kama Kocha Msaidizi chini ya Kocha Mkuu Nasreddine Nabi.
 

Kupitia kurasa zao za Mitandao ya Kijamii, Yanga SC imetoa taarifa ya kuwatambulisha Makocha hao Kitaaluma kuisaidia Klabu hiyo kuanzia timu za vijana hadi timu kubwa.


Yanga SC itashuka dimbani kesho Jumamosi ya Septemba 25, 2021 katika mchezo wa Ngao ya Jamii dhidi ya Simba SC. Mchezo huo mahsusi kufungua pazia la Ligi Kuu Soka Tanzania Bara msimu mpya wa 2021-2022.

Kocha Mkuu wa Yanga SC, Nasreddine Nabi (katikati) akiwa katika picha ya pamoja na Kocha Msaidizi wa Klabu hiyo, Cedric Kaze (kulia) na Mkurugenzi wa Maendeleo Soka la Vijana, Mwinyi Zahera (kushoto).