WCF KAZI IENDELEE: PROFESA NDALICHAKO

WAZIRI wa Nchi Ofisi ya Waziri Mkuu Kazi, Vijana, Ajira na Wenye Ulemavu Profesa Joyce Ndalichako, ametembelea Ofisi za Mfuko wa Fidia kwa Wafanyakazi (WCF) kwa lengo la kujionea shughuli za uendeshaji za Mfuko huo na kisha kazungumza na wafanyakazi.

Mhe. Profesa Ndalichako ambaye alifuatana na Naibu wake, Mhe. Patrobas Katambi, alipokelewa na Mwenyekiti wa Bodi ya Wadhamini ya Mfuko huo, Bw. Emanuel Humba, Makamu Mwenyekiti, Bi. Rifai Mkumba, Mkurugenzi Mkuu wa WCF, Dkt. John Mduma, Menejimenti na maafisa wengine wa Serikali.

 

Akizungumza na wafanyakazi, Mhe. Profesa Ndalichako alisema ametembelea idara na vitengo vyote na kujionea kazi nzuri inaendelea.

“Nichukue nafasi hii kuupongeza uongozi wa Mfuko wa Fidia kwa Wafanyakazi WCF kwa kazi nzuri mnayofanya. Kazi yenu ina ubora sana, hongereni na endeleeni kuchapa kazi.” Amesema Profesa Ndalichako.

Ameongeza kuwa Mfuko huo ni muhimu sana kwa wafanyakazi nchini na umeanzishwa ili kulinda nguvu kazi ya Taifa, ambapo mtumishi anathaminiwa sio tu akiwa na Afya, bali hata pale anapopata changamoto za ulemavu, kuugua au hata kifo, Serikali inaendelea kumjali mfanyakazi na wanaomtegemea.

Akiongea kwenye mkutano na wafanyakazi wa taasisi hiyo tarehe 24 Januari 2022, Waziri Ndalichako alisema ameanza ziara kwa kutembelea WCF kutokana na umuhimu wa Mfuko huo ambao unamhudumia Mfanyakazi akingali bado kazini na hata baadae.

Mfuko huu umeanza kufanya kazi mwaka 2015 maana yake ifikapo Julai mwaka huu 2022, utakuwa na umri wa miaka saba (7) lakini mambo ambayo yamefanyika ni makubwa.

“Shughuli za Mfuko zimeboreshwa mno kwani asilimia 85 ya huduma zote zinatolewa kwa njia ya Tehama na Mfuko unaendelea kulipa fidia stahiki kwa wakati.” Alisema.

“Niwapongeze idara na vitengo vyote na niwakumbushe kuwa Serikali hii ni sikivu mno ndio maana imepunguza viwango vya uchangiaji kwa sekta binafsi kutoka asilimia moja (1%) hadi asilimia sifuri nukta sita (0.6%). Nitumie nafasi hii pia kuwahimiza waajiri kutumia fursa hii adhimu kuhakikisha wanawachangia wafanyakazi wao.

Amempongeza Rais wa awamu ya sita, Mhe. Samia Suluhu Hassan kwa kuleta suluhu katika masuala ya uwekezaji

“Napenda kumshukuru sana Mhe. Rais wa awamu ya Sita mama yetu Mhe. Samia Suluhu Hassan kwa kweli mama anaifungua nchi ili kuhakikisha kwamba zile changamoto zilizokuwepo katika masuala ya uwekezaji, zinatoweka.

Awali Mwenyekiti wa Bodi ya Wadhamini ya Mfuko wa Fidia kwa Wafanyakazi (WCF). Bw. Emanuel Humba, alimuomba Mhe. Waziri kuwezesha Mfuko kuwa na ofisi kila mkoa, nchini.

“Kwa kupitia Ofisi yako Mhe. Waziri tunaomba utusaidie Mfuko huu uwe na ofisi kila mkoa ili kurahisisha upatakinaji huduma kwa watumishi nchini ukizingatia kwamba wafanyakazi wapo nchi nzima.” Alifafanua.

Naye Mkurugenzi Mkuu wa Mfuko wa Fidia kwa Wafanyakazi (WCF), Dkt. John Mduma amemshukuru Mhe. Prof. Joyce Ndalichako kwa nasaha alizotoa kwa Mfuko na kumpongeza Mhe. Waziri huyo kwa kuendelea kuaminiwa na kupewa wadhifa wa kuiongoza Wizara hiyo ambapo amemuahidi ushirikiano wa hali ya juukutoka kwa Menejimenti na wafanyakazi wa Mfuko huo. 

Waziri wa Nchi Ofisi ya Waziri Mkuu (Kazi, Vijana, Ajira, na Wenye Ulemavu, Profesa Joyce Ndalichako, akiwa na Mwenyekiti wa Bodi ya Wadhamini Mfuko wa Fidia kwa Wafanyakazi (WCF), Bw. Emmanuel Humba (wapili  kushoto), Makamu Mwenyekiti wa Bodi ya Wadhamini,  Bi. Rifai Mkumba (watatu kushoto) na Mkurugenzi Mkuu wa WCF, Dkt. John Mduma, wakiwa kwenye Ofisi za WCF jijini Dar es Salaam, Januari 24, 2022.

Waziri wa Nchi Ofisi ya Waziri Mkuu (Kazi, Vijana, Ajira na Wenye Ulemavu, Profesa Joyce Ndalichako, akipokea maua kutoka kwa Gladness Madembwe ikiwa ni ishara ya ukaribisho  WCF.

Waziri wa Nchi Ofisi ya Waziri Mkuu (Kazi, Vijana,  Ajira na Wenye Ulemavu), Profesa Joyce Ndalichako.

Waziri Profesa Joyce Ndalichako akizungumza na wafanyakazi wa WCF

Mwenyekiti wa Bodi ya Wadhamini Mfuko wa Fidia kwa Wafanyakazi (WCF), Bw. Emmanuel Humba.

Mkurugenzi Mkuu wa WCF, Dkt. John Mduma.

Makamu Mwenyekiti wa Bodi ya Wadhamini, WCF, Bi. Rifai Mkumba.

Waziri Profesa Ndalichako, akipokea mfuko wenye machapisho mbalimbali ya WCF,  kutoka kwa Innocensia William. Wanaoshuhudia ni Naibu Waziri Ofisi ya Waziri Mkuu, Kazi, Vijana, Ajira na Wenye Ulemavu, Mhe. Patrobas Katambi (wapili kushoto) na Mkurugenzi Mkuu wa WCF, Dkt. John Mduma

Profesa Ndalichako (katikati) Naibu Waziri Mhe. Patrobas Katambi na Dkt. John Mduma wakibadilishana mawazo.

Baadhi ya wafanyakazi wa WCF wakisikiliza hotuba.

Baadhi ya wafanyakazi wa WCF katika mkutano huo.

Baadhi ya wafanyakazi wa WCF wakisikiliza hotuba.

Baadhi ya wafanyakazi wa WCF wakisikiliza hotuba

Wakurugenzi wa WCF, kutoka kulia, Dkt. Abdulsalaam Omar, Bw. Bezil Ewala, na Bw. Anselim Peter na wa mwisho ni Mkurugenzi Msaidizi Ofisi ya Waziri Mkuu, Idara ya Hifadhi ya Jamii, Bw. Frank Kilimba.

Mhe. Profesa Ndalichako, Mhe. Patrobas Katambi (kulia), wakimsikiliza Mkurugenzi wa Huduma za Tiba na Tathmini WCF, Dkt. Abdulsalaam Omar, kuhusu shughuli za idara hiyo.

Mhe. Profesa Ndalichako, Naibu Waziri Mhe. Katambi Mwenyekiti wa Bodi ya Wadhamini WCF, Bw. Humba na Mkurugenzi Mkuu wa WCF, Dkt. Mduma,  wakipewa maelezo na Mkurugenzi wa Uendeshaji Bw. Anselim Peter kuhusu idara hiyo.