Kiongozi wa mbio za Mwenge ateketeza nyavu haramu wilayani Ludewa

Na Amiri Kilagalila,Njombe

Kiongozi wa mbio za mwenge kitaifa kwa mwaka 2022 Sahili Geraruma ameongoza zoezi la uteketezaji nyavu haramu zilizokamatwa kwa wavuvi wilayani Ludewa mkoani Njombe zenye thamani ya zaidi ya shilingi milioni 6,000,000.

Akichoma nyavu hizo Geraruma amewataka maafisa uvuvi wote kutumia vyema taaluma zao kwa kuzuia uingizwaji wa nyavu hizo ambazo zinaleta uharibifu kwa samaki waliopo ziwani.

"Nyavu hizi zina matundu madogo sana hivyo hazifai kutumia kuvulia samaki, kwakuwa nyavu hizi huvua samaki ambao bado wanatakiwa kuendelea kukua ni vyema tukafuata sheria za uvuvi ili na kuvua samaki ambao tayari wamefikia umri wa kuvuliwa".