KUNA HAJA YA KUTAFUTA MAENEO MAPYA NA KUYAIBUA KWA KUONGEZA USHIRIKIANO NA KULETA TIJA KIUCHUMI

Makamu wa Kwanza wa Rais wa Zanzibar Mhe. Othman Masoud Othman, amesema katika kutekeleza Diplomasia ya Kiuchumi nchini Malawi kuna haja ya kutafuta maeneo mapya na kuyaibua kwa kuongeza ushirikianao na kuweza kueleta tija kiuchumi kwa pande zote mbili.

Mhe. Othman ameyasema hayo leo alipokutana na Balozi mpya wa Tanzania katika Jamhuri ya Malawi Hampheray Polepole  aliyefika ofisini kwa makamu Migombani mjini Zanzibar kujitambulisha.

Amesema nchi ya Tanzania inaweza kujifunza katika  maeneo meingi  yakiwemo ya kilimo na bishara  kutoka nchini Malawi na kuibua vyanzo  vipya vya biashara kati ya nchi hizo mbili na kuweza  kuleta neema kubwa kwa Tanzania na  Malawi kupitia ushirikiano wa diplomasia ya kiuchumi.

Mhe. Makamu amemueleza balozi  Polepole kwamba suala hilo litawezekana iwapo Balozi huyo atazingatia ipasavyo sera ya  nje yaTanzania ambayo inaongozwa  na mfumo wa diplomasia ya kiuchumi inayohimiza masuala ya ushirikiano kwenye maeneo mbali mbali ya kimaendeleo.

Amesema upo uwezekano wa kutumia uzoefu wa Malawi kwenye mambo memgi ambayo nchi ya Malawi imefanya vyema na kufanikiwa na hivyo Tanzania ikaweza kunufaika  na kuwepo uwakilishi wa Balozi huyo kwa kuongeza ushirikiano zaidi wa Kidplomasia kwenye maeneo mapya.

Aidha Mhe. Othman amesema kuwa kuna haja pia ya kutumia ushirikiano wa karibu kijamii  na wa asili uliopo  muda mrefu  baina ya pande hizo mbili ulioanzia tokea harakati za ukombozi ili usaidie kuongeza nafasi ya ushirikiano kwenye maeneo tofauti.

Mhe Othman amemtaka Polepole kuhakikisha anatumumia , ujuzi maarifa na uwezo wake wote aliionao ili lengo la kuaminiwa na  kuteuliwa kuiwakilisha  Tanzania katika nchi ya Malawi liweze kutimia.

Alimuhakikisha Balozi hiyo kwamba Serikali  ipo tayari wakati wote kutoa ushirikikiano unaohitajika wa kutatua changamoto mbali mbali zinazojitokeaza wakati wa kutekeleza majukumu yake kwa manufaa ya Tanzania.

Naye Balozi Pole Pole ameshukuru Makamu wa Rais na kuahidi kwamba atafanya kila juhudi kuhakikisha kwamba anafanikisha malengo ya Tanzania ikiwa ni pamoja na kuomba na kupokea ushauri kutoka kwa viongozi mbali mbali pale itakapohitajika.

Makamu wa Kwanza wa Rais wa Zanzibar Mhe. Othman Masoud Othman (kulia)akizungumza na Balozi Mpya wa Tanzania Nchini Malawi Hamphray Polepole huko ofisini kwa Makamu Migombani Mjini Zanzibar. Mhe. Balozi alifika Ofisi kwa makamu leo tare 28/04/2022 kujitambulisha pamoja na kufanya mazungumzo rasmi ( Picha na Ofisi ya Makamu ya Kwanza wa Rais Kitengo cha Habari.