MBUNGE APIGA GOTI MBELE YA KINANA AKIOMBA BARABARA YA LAMI KATIKA WILAYA YA SONGWE

Na Said Mwishehe, Michuzi TV-Songwe

MBUNGE wa jimbo la Songwe mkoani Songwe Mwalimu Philip Mulugo amemuomba Makamu Mwenyekiti wa CCM Tanzania Bara Abdulrahman Kinana kufikisha salamu yao kwa Rais Samia Suluhu Hassan kwamba changamoto waliyonayo kwenye wilaya yao ni kukosa barabara za lami, hivyo wanaomba kujengewa barabara ya lami.

Akizungumza mbele ya Kinana wakati wa kikao cha ndani kilichowahusisha wanachama wa Chama Cha Mapinduzi(CCM) Mkoa wa Songwe Mulugo amesema kuwa tatizo lake ni moja tu.

“Salamu zangu kwanza tunampongeza Rais Samia Suluhu Hassan kwa mambo anayomfanyia jimboni kwetu.Tumepiga hatua katika nyanja mbalimbali.

“Tatizo letu ni hili katika Mkoa wote wa Songe wilaya zote kuna barabara za lami lakini naombeni lami Wilaya ya Songwe, ni tatizo kubwa mno, nikipata lami Songwe hakuna shida, hakuna tatizo la kisiasa, kila kitu kipo shida yetu ni lami,”alisema Mulugo.

Kwa upande wake Mbunge wa Viti Maalum Mkoa wa Songwe Neema Mwandabila alitumia nafasi hiyo kumueleza Kinana kuwa wanawake wa Mkoa huo wanampa salamu nyingi Rais Samia kwa kazi kubwa na nzuri anayoifanya ya kuwatumikia wananchi.“Tunaomba tufikishie salamu zetu kwa Rais Samia tunampenda na tunamuahidi kwamba tutamlinda nyakati zote.”

MBUNGE wa jimbo la Songwe mkoani Songwe Mwalimu Philip Mulugo akiwa amepiga magoti mbele ya Makamu Mwenyekiti wa CCM Tanzania Bara,Ndugu Abdulrahman Kinana akiomba amfikishie salamu yao kwa Rais Samia Suluhu Hassan kuhusu changamoto  ya barabara ya Lami waliyonayo kwenye wilaya yao,wakati wa kikao cha ndani kilichofanyika Julai 27,2022.PICHA NA MICHUZI JR-SONGWE.

Wanachama wa CCM wakiendelea kufuatilia yaliyokuwa yakijiri kwenye kikao hicho