TAKUKURU YASHAURIWA KUWA NA VIKAO KAZI NA SEMINA ILI KUWAJENGEA UELEWA WATUMISHI WA UMMA

Na Janeth Raphael - Michuzi TV DODOMA

TAASISI ya kuzuia na Kuapambana na rushwa nchini TAKUKURU imeshauriwa kuwa na vikao kazi na semina ili kuwajengea uelewa watumishi wa Umma hasa katika maeneo ya manunuzi ili miradi inayofanyika iendane na thamani halisi ya fedha ili kuondokana na rushwa.

Kauli hiyo imetolewa leo Jijini Dodoma na Mkuu wa Wilaya ya Dodoma Mjini,Jabir Shekimweri alipotembelea Mabanda mbalimbali kwenye wiki ya  maonesho ya maadhimisho ya Miaka 20 ya Tume ya Haki za Binadamu na Utaswala bora yanayofanyika katika viwanja vya Jakaya Kikwete ambapo Taasisi mbalimbali za Msaada wa sheria zimeshiriki.

“Lazima tukiri kwamba kuna changamoto kwenye sehemu ya rushwa , vitu viwili naendelea kusisitiza   cha kwanza kumlea samaki akiwa mchanga,  wanafanya kazi nzuri na mimi kwenye wilaya nimeandaa  midahalo  tunashindanisha shule kwenye kupinga masuala ya rushwa kwa njia ya mdahalo,

Tunawakutanisha wanafunzi  wanafanya midahalo tunawajenga wakiwa wadogo ili wanapokuwa wajie nchi yao inatakiwa kuwaje”anasema Shekimweri

Aidha Shekimweri amewataka wananchi kujitokeza kwenda kupata elimu juu ya haki mbalimbali ambazo zinatolewa katika viwanjka vya Jakaya Kikwete.

 Mwenyekiti wa Tume ya Haki za Bunadamu na Utawala bora,Jaji mstaafu Mathew Mwaimu amesema kuwa kama Tume wamekuwa wakipokea malalamiko mbalimbali yakkiwemo ya migogoro ya ardhi,Jeshi la polisi kulalamikiwa kubambnikiza kesi pamoja na kutesa wananchi ikiwemo na masuala ya rushwa.

“Nyakati hizi naona malalamiko ya migogoro ya ardhi yanayoletwa si mengi sana lakini yale machache  yanayotufikia tumeyashughulikia kwa kufanya chunguzi na kutoa mapendekezo kwa taasisis husika nakuyachukulia hatua,

Kuhusu masuala ya unyanyasaji haya mara nyingi yakija kwetu  kule polisi kuna dawati,tunayapeleka dawati la jinsia na wao wenzetu  wanaanzisha  mchakato wa upepelezi” amesema Jaji Mwaimu

Maadhimisho hayo yanaenda sambamba na kaulimbiu isemayo” Miaka 20 ya kuhamasisha ulinzi wa hifadhi ya Haki za binadamu na misingi ya utaswala bora.

Mkuu wa Wilaya ya Dodoma akizungumza wakati alipotembelea mabanda mbalimbali ya wafanyabiadhara kuelekea wiki ya maadhimisho ya miaka 20 ya Tume za haki za binadamu na utawala bora jijini Dodoma

Mwenyekiti wa Tume ya haki za binadamu na utawala bora Jaji Mstaafu Mathew Mwaimu akizungumza na wanahabari