SBL KUGAWA MBOLEA BURE KWA WAKULIMA SONGWE

 

Mkuu  wa Mkoa wa Songwe Waziri Kindamba (kulia) akikagua bidhaa  katika Banda la Kampuni ya Mbolea Tanzania TFC  alipozindua  Maonesho katika Siku  ya Mbolea  Duniani, katika Viwanja vya Kimondo Mlowo, wilayani Mbozi,mkoani humo. wa pili kushoto ni Kaimu Meneja wa TFC, Kanjel  oba na wa pili kulia no Mkurugenzi Mkuu wa Kampuni ya Uzalishaji Mbolea ya SBL  Joe Kiriuki kutoka nchini Kenya

 Mkurugenzi Mkuu wa Kampuni ya utengezaji mbolea ya SBL Joe Kariuk  kutoka Kenya akizungumzia na vyombo vya habari kuhusu  kugawa bure mbolea hiyo kwa wakulima katika maonesho hayo

 

NA MWANDISHI WETU

 
KAMPUNI ya utengenezaji na usambazaji wa mbolea kutoka nchini Kenya SBL imetangaza neema kwa wakulima hapa nchini ambapo itatoa mfuko mmoja bure kwa wakulima watakaofika katika Banda lake katika maonesho ya Siku ya Mbolea Duniani yanafanyika kitaifa katika Viwanja vya Kimondo,Mlowo,Wilayani Mbozi, mkoani Songwe.

Akizungumzia na waandishi wa habari katika hafla ya uzinduzi wa maonyesho hayo, Mkurugenzi Mtendaji  wa SBL Joe Kariuk, amesema watakaonufaika na ofa hiyo ni wakulima watakao fika katika Banda la Kampuni ya Mbolea Tanzania (TFC) na kununua mifuko kuanzia mitatu ya mbolea ya  SBL Kisha kupewa mfuko mmoja bure.

Joe amesema SBL  dhamira ni kuunga mkono jitihada za serikali chini ya Rais Samia Suluhu Hassan katika kumwinua mkulima wa kitanzania.

"SBL imeonesha ufanisi mkubwa nchini Kenya. Sasa tunataka hata hapa Tanzania wakulima wanufaike nayo na kwa kuanzia tunatoa mfuko mmoja wa kilo 25 bure kwa wateja watakaofika katika maonyesho haya hapa Songwe,"alisema Joe.

Amesema SBL kupitia TFC  imeingiza mifuko 2500 ya mbolea hiyo ya organic ambayo ni rafiki wa mazingira.

"Mifuko hiyo 2500 imeingia Songwe na tutauza na kuigawa bure. Wananchi waje katika uwanja wa Kimondo Mlowo na wafike katika Banda la TFC" ameongeza Joe.

Awali Kaimu Meneja wa Kampuni ya Mbolea Tanzania TFC Kanjel Mloba alisema mbolea hiyo ya SBL imeingizwa nchini kutokana na ubora wake na ufanisi huko Kenya.

"Pamoja na mbolea nyingine leo katika maonesho haya TFC Tumetambulisha mbolea hii ya SBL ambayo ni organic. Ni mbolea nzuri na tunahimiza wakulima kuitumia"amesema Kanjel.

Amesema TFC itaendelea kuhakikisha inawasaidia wakulima kuwafikishia mbolea bora ili kilimo chao kiwe chenye tija.

Maonesho hayo ya Siku tatu yaliyoandaliwa na Mamlaka ya Udhibiti wa Mbolea Tanzania TFRA yameanza leo na yanatarajiwa kufungwa na Wazirii wa Kilimo Hussein Bashe Oktoba 13 mwaka huu.