UBALOZI NA UWAKILISHI WA KUDUMU WA JAMHURI YA MUUNGANO WA TANZANIA UNESCO UMESHIRIKI HAFLA UTOAJI TUZO

 Na Mwandishi Wetu,

LEO Oktoba  11 mwaka 2022, Ubalozi na Uwakilishi wa Kudumu wa Jamhuri ya Muungano wa Tanzania katika Shirika la UNESCO  umeshiriki katika hafla ya utoaji wa tuzo maalum.

Utolewaji wa tuzo hizo umefanywa kwa Taasisi za 'Girls Livelihood and Mentorship Initiative' (GLAMI) kutoka Tanzania na 'Room to Read' kutoka Cambodia ili kutambua mchango wao katika kuimarisha utoaji wa elimu kwa wasichana na wanawake. Tuzo hiyo inayofadhiliwa na China imetolewa kwa Taasisi hizo mbili.

GLAMI ni Taasisi inayofanya kazi nchini kuanzia mwaka 2001 kwenye mikoa ya Arusha na Kilimanjaro kwa lengo la kutoa  elimu ya maisha (life skills) kwa wasichana wanaoingia sekondari ili kuongeza ufaulu na pia kuwaandaa kwa ajili ya masomo na maisha ya chuo kikuu.

Imeelezwa kwamba juhudi hizo zimewezesha taasisi hiyo kufuzu kwenye mchakato uliohusisha waombaji 75 kutoka nchi 48 duniani.

Aidha, wakati wa kupokea tuzo hiyo Devotha Mlay ambaye ni Mkurugenzi Mtendaji wa Miradi ya GLAMI, amemshukuru Raia wa Jamhuri ya Muungano wa Tanzania Samia Suluhu Hassan kwa juhudi zake za kukuza elimu ya wasichana na wanawake.

Na kwamba  nafasi yake kama mwanamke wa kwanza aliye Rais nchini Tanzania  kumewahamasisha wasichana wengi kuweka mkazo kwenye elimu ili kufikia malengo yao.