TUNAITAKA HUDUMA YA FEITOTO - IBWE

Na Bakari Madjeshi, Michuzi TV

Kaimu Afisa Habari wa Klabu ya Azam, Hashim Ibwe amesema kuwa nchini Tanzania hakuna timu ambayo haitaki huduma ya Kiungo Feisal Salum (Feitoto) ambaye kwa sasa anacheza katika Klabu ya Yanga.

Ibwe amesema hayo wakati akizungumza na Michuzi Blog kwa njia ya Simu, amesema kuwa bado hawajafungua mazungumzo na Feisal lakini amethibitisha na wao Azam FC wanahitaji huduma ya Kiungo huyo machachari.

Ibwe amesema licha kuwa hakuna mazungumzo kati ya Azam FC na Kiungo huyo, amethibitisha tajiri wa Klabu hiyo, Yusuf Bakhresa amesema muda wowote hakuna shida kuhusu kuipata huduma ya Kiungo huyo.

Kupitia kurasa wake rasmi wa ‘Instagram’ Ibwe amendika, “Kumbe hizi Rangi za Buluu Buluu zinapendeza eenh na hiviiiii pale Chamazi kwani jezi namba 6 anavaa nani?”.

“Hakuna timu isiyotaka huduma yako Feisal Salum na sisi Azam FC tunaitaka pia tajiri kasema muda wowote hakuna shida makubaliano tu”.

Feisal amekuwa kwenye kiwango bora katika nafasi ya Kiungo katika Klabu ya Yanga.