MWENYEKITI CCM MKOA DODOMA AFUNGUKA RAIS SAMIA KURUHUSU MIKUTANO YA HADHARA

Na Said Mwishehe, Michuzi TV

MWENYEKITI wa Chama Cha Mapinduzi(CCM) Mkoa wa Dodoma Alhaj Adam

Kimbisa amesema hatua aliyochukua Rais Samia Suluhu Hassan ya kutengua

katazo la mikutano ya hadhara inathibitisha ukomavu alionao , weledi,

uthubutu na nia nzuri ambayo kwa Watanzania.

Alhaj Kimbisa ameyasema hayo leo Januari 5,2023 jijini Dar es Salaam

alipokuwa akizungumza na waandishi wa habari kuhusu hatua iliyochukuwa

na Rais Dk.Samia kuruhusu mikutano ya hadhara kwa vyama vya siasa

nchini.

“Rais Dk.Samia Suluhu Hassan alikutana na viongozi wa vyama vyote vya

siasa ikiwa ni sehemu ya muendelezo wa jitihada ambazo amekuwa

akizifanya tangu aingie madarakani za kuhakikisha mazingira ya

ufanyaji siasa yanaboreshwa ikiwa ni pamoja na kuimarisha hali ya

demokrasia , uhuru wa vyombo vya habari , uhusiano na vyama vya siasa

pamoja na uhuru wa kujieleza.

“Ni ukweli kuwa jitihada , nia na uthubutu wake sit u umekuwa nguzo

muhimu ya kuchochea kasi ya mariadhiano ya kisiasa nchini bali

zimechangia pakubwa kuondoa mkwamo wa kisiasa ulioshuhudiwa kwa miaka

sita sasa.Hatua iliyochukuliwa na Rais Samia kuruhusu mikutano ya

hadhara kwa vyama vya siasa inathibitisha ukomavu alionao,”amesema

Kimbisa.

Amesema CCM Mkoa wa Dodoma kinaamini kuruhusiwa kwa mikutano ya

hadhara kutaimarisha nguvu za kisiasa za Chama hicho, kutapanua wigo

kwa wanachama wengi zaidi kutoa mawazo chanya kuhusu masuala

yanayohusu Taifa lao na kufungua fursa kwa viongozi wa ngazi wa Chama

wa ngazi zote kunadi na kutangaza hadharani mazuri yote

yanayotekelezwa na Serikali.

Aidha amewaomba watanzania wote kuendelea kumuunga mkono Rais Dk.Samia

, kumuombea afya kwa Mungu , busara na maono zaidi ili aendelee

kulifanyia Taifa mambo makubwa zaidi.

“Ni dhahiri kwa kipindi cha miaka miwili ya uongozi wake amefanya

mambo makubwa kwenye sekta ya miundombinu , afya , elimu , ulinzi na

usalama, demokrasia , uhusiano wa kimataifa pamoja na uhuru wa vyombo

vya habari,”amesema Alhaj Kimbisa.

Ametumia nafasi hiyo kueleza wana CCM Mkoa wa Dodoma wanamuahidi Rais

Samia na Watanzania kwa ujumla kuwa watafanyasiasa za kistaarabu

zisizo na lugha za maudhi , vurugu , maandamano yasiyo na lazima ili

kuonesha ukomavu wa kisiasa kwa maslahi mapana ya nchi.

Mwenyeiki wa CCM mkoa wa Dodoma Adam Kimbisa akizungumza na waandishi wa habari kwenye hoteli ya Serena jijini Dar es Salaam leo Alhamisi Januari 05,2023 wakati akimpongeza Rais wa Jamhuri ya Muungano wa Tanzani Dkt Samia Suluhu Hassan kwa kuondoa zuio la mikutano ya kisiasa ya hadhara nchini. 

PICHA ZOTE NA MICHUZI JR-MMG

Baadhi ya Waandishi wa Habari kutoka vyombo mbalimbali wakimsikiliza Mwenyeiki wa CCM mkoa wa Dodoma Alhaj Adam Kimbisa alipokuwa akizungumza nao leo Januari 5,2023 jijini Dar es Salaam kwa lengo la kumpongeza Rais wa Jamhuri ya Muungano wa Tanzani Dkt Samia Suluhu Hassan kwa kuruhusu mikutano ya hadhara kwa vyama vya kisiasa nchini.

Mbunge wa jimbo la Chemba Mh Mohammed Lujuo Moni akizungumza jambo mbele ya Waandishi wa habari leo jijini Dar akiunga mkono tamko la Mwenyekiti wa CCM Dodoma,la kumpongeza Rais wa Jamhuri ya Muungano wa Tanzani Dkt Samia Suluhu Hassan kwa kuruhusu mikutano ya hadhara kwa vyama vya kisiasa nchini.